សាលាក្រុង៖ អ្នករស់នៅក្នុងបុរី និងម្ចាស់អាជីវកម្ម នឹងត្រូវផាកពិន័យ បើទុកដាក់សំរាមមិនត្រឹមត្រូវ

• 17 ខែ​កញ្ញា 2021
• ព័ត៌មានអចលនទ្រព្យ
• 10 មើល

រដ្ឋបាលរាជធានីភ្នំពេញ បានចេញនូវបទបញ្ជាថ្មី តម្រូវឱ្យអ្នករស់នៅក្នុងបុរី ម្ចាស់អាជីវកម្ម ផ្សារទំនើប ផ្សាររដ្ឋ ផ្សារឯកជន អគារពាណិជ្ជកម្ម សណ្ឋាគារ និងមន្ទីរពេទ្យនានា ត្រូវមានកាតព្វកិច្ចដាក់ធុងសម្រាមផ្ទាល់ខ្លួន និងទុកដាក់សម្រាមឱ្យត្រឹមត្រូវ បើមិនដូច្នោះអាចនឹងត្រូវផាកពិន័យ ឬប្ដឹងឡើងដល់តុលាការ ។

សេចក្តីជូនដំណឹង កាលពីថ្ងៃ១៦ ខែកញ្ញា ក៏បានណែនាំឱ្យគ្រប់គ្នាឱ្យធ្វើការញែកសំរាម ជា ០២ប្រភេទ គឺសំរាមសើម និងសំរាមស្ងួត ដោយហាមមិនឱ្យលាយឡំសំរាមហានិភ័យចូលគ្នាឡើយ ដើម្បីងាយស្រួលក្នុងការប្រមូល និងគ្រប់គ្រងសំរាមឱ្យកាន់តែមានប្រសិទ្ធភាពខ្ពស់ ។

ក្រៅពីចំណុចសំខាន់ៗទាំងនេះ សេចក្តីជូនដំណឹង មានបទបញ្ជាថ្មីសរុប ១៣ ចំណុច ដែលសុទ្ធសឹងតែពាក់ព័ន្ធនឹងការទុកដាក់សំរាមឱ្យបានត្រឹមត្រូវ។

រដ្ឋបាលរាជធានីភ្នំពេញ នឹងចាប់ផ្ដើមអនុវត្តរឿង ពីថ្ងៃទី១ ខែវិច្ឆិកា ឆ្នាំ២០២១ ខាងមុខនេះតទៅ ជាមួយនឹងការផាកពិន័យ ការប្ដឹងទៅតុលាការ ឬផ្អាកអាជីវកម្មបណ្ដោះអាសន្ន បើសិនរកឃើញថា ប្រជាពលរដ្ឋនៅរាជធានីភ្នំពេញ មិនបានអនុវត្តតាមការណែនាំខាងលើនេះ។

• ច្បាប់ និងបញ្ញាត្តិ
• សេចក្តីជូនដំណឹង និង វិធានការណ៍
• ច្បាប់ និងបញ្ញាត្តិ