១០ ឆ្នាំទៀតសក្តានុពលទីផ្សារអចលទ្រព្យនឹងឆ្ពោះទៅខេត្តកំពត និងកែប

• 2 ខែ​មីនា 2018
• ព័ត៌មានអចលនទ្រព្យ
• 12 មើល

បើតាមការប៉ាន់ប្រមានរបស់អ្នកជំនាញទីផ្សារអចលទ្រព្យ បានអោយដឹងថានៅថ្ងៃអនាគតប្រហែលជា១០ឆ្នាំខាងមុខ ខេត្តកំពត និងកែប នឹងមានសក្ដានុពលខ្លាំងក្នុងទីផ្សារអចលនទ្រព្យកម្ពុជា បន្ទាប់ពីទីតាំងសំខាន់ៗទាំងបីនាពេលបច្ចុប្បន្ន រួមមានរាជធានីភ្នំពេញ ខេត្តព្រះសីហនុ និងខេត្តសៀមរាប។

ខេត្តទាំងពីរអាចនឹងទាក់ទាញអ្នកអភិវឌ្ឍន៍ និងអ្នកបណ្ដាក់ទុនបានច្រើន ដោយសារតែដីនៅទីនោះនៅមានតម្លៃសមរម្យ រួមផ្សំជាមួយនឹងទីតាំងល្អក្បែរឆ្នេរសមុទ្រ មានព័ទ្ធដោយភ្នំ និងកន្លែងកំសាន្តផ្សេងៗទៀត បើតាមការវិភាគរបស់ លោក សន សៀប ដែលជាស្ថាបនិក និងនាយកនៃ ក្រុមហ៊ុន Key Real Estate Co., Ltd និងជាអ្នកឯកទេសផ្នែកអចលនទ្រព្យដ៏ល្បីល្បាញមួយរូបនៅក្នុងប្រទេសកម្ពុជា។

ខេត្តទាំងពីរនេះកំពុងតែមានប្រជាប្រិយភាពទាក់ទាញភ្ញៀវទេសចរណ៍ក្នុងស្រុក ជាពិសេសពីក្រុងភ្នំពេញ ដែលជាកត្តាធ្វើអោយកើនឡើងនូវតម្រូវការផ្នែកទីកន្លែងស្នាក់នៅ​ ម្យ៉ាងវិញទៀតវាជាការបើកផ្លូវសម្រាប់នាក់វិនិយោគក្នុងការមកបណ្តាក់ទុនលើទីផ្សារអចលទ្រព្យដូចជា សណ្ឋាគារ ខុនដូ និងអាផាតមិនផ្សេងៗ។

ការលើកកំពស់និងពង្រីកផ្លូវជាតិលេខ៣ ដែលតភ្ជាប់ពីភ្នំពេញទៅកំពតរបស់រដ្ឋាភិបាលក៏ជាកត្តាជំរុញមួយផងដែរ។

សក្តានុពលទីផ្សារអចលទ្រព្យនេះ មិនត្រឹមតែជាផលប្រយោជន៍សំរាប់តែអ្នកអភិវឌ្ឍន៍នោះទេ ប៉ុន្តែវាក៏ជាផលល្អសំរាប់ប្រជាជនដែលរស់នៅក្នុងតំបន់ ព្រមទាំងជួយពង្រឹងចរន្តសេដ្ឋកិច្ចផងដែរ។

• អត្ថបទវិភាគ
• ចំណេះដឹង និង បទពិសោធន៍
• ធុរកិច្ច និងទីផ្សារ
• អត្ថបទវិភាគ
• ចំណេះដឹង និង បទពិសោធន៍
• ធុរកិច្ច និងទីផ្សារ