កម្ពុជាកំពុងសង់ស្ពានខ្ពស់ជាងគេតម្លៃជិត ២៣លានដុល្លារ នៅខេត្តពោធិ៍សាត់

• Sommana Yan
• 12 ខែ​មេសា 2023
• Uncategorized @km
• 496 មើល

ក្រសួងសាធារណការ និងដឹកជញ្ជូន កំពុងសាងសង់ស្ពានឆ្លងកាត់ស្ទឹងឬស្សីជ្រុំ ដែលជាស្ពានខ្ពស់ជាងគេនៅប្រទេសកម្ពុជា ស្ថិតនៅភូមិឆាយលូក ឃុំអូសោម ស្រុកវាលវែង ខេត្តពោធិ៍សាត់។

ស្ពានដែលកំពុងសាងសង់នេះ គឺស្ថិតក្នុងគម្រោងសាងសង់ផ្លូវជាតិលេខ10 តភ្ជាប់ ពីខេត្តបាត់ដំបង-ពោធិ៍សាត់-កោះកុង ត្រង់គីឡូម៉ែត្រលេខ128+915។ (អានបន្ថែម)

គួរបញ្ជាក់ថា ស្ពាននេះមានកម្ពស់ 90ម៉ែត្រ ប្រវែង 530ម៉ែត្រ ទទឹង10ម៉ែត្រ បន្ទុកនៃស្ពានរចនាតាមស្តង់ដារចិនហាយវេកម្រិត3 ដែលមានបន្ទុក (Design Load) ចំនួន 55T។

ក្រសួងសាធារណការ និងដឹកជញ្ជូន បានឱ្យដឹងទៀតថា គម្រោងនេះ គ្រោងចំណាយថវិកាអស់ 22.92 លានដុល្លារ និងរយៈពេលសាងសង់ 28ខែ ពោលគឺចាប់ផ្តើមសាងសង់កាលពីខែកុម្ភ: ឆ្នាំ2023នេះ ហើយគ្រោងនឹងបញ្ចប់នៅខែឧសភា ឆ្នាំ2025។