កម្ពុជាគាំទ្រគម្រោងកែច្នៃសំណល់រឹងទៅជាថាមពល និងឥន្ទនៈចំហេះ

• 27 ខែ​តុលា 2021
• Uncategorized
• 6 មើល

ក្រសួងបរិស្ថាន បានគាំទ្រដល់វិទ្យាស្ថានអភិវឌ្ឍន៍បៃតងសកល (GGGI) លើគម្រោងសិក្សាលទ្ធភាពបឋម នៃការកែច្នៃសំណល់រឹង ទៅជាថាមពលឥន្ទនៈចំហេះ ក្នុងទម្រង់ជា Refuse-derived fuel នៅកម្ពុជា។

ការប្រកាសគាំទ្រនេះ ធ្វើឡើងនៅក្នុងកិច្ចប្រជុំរវាង ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) តាមរយៈប្រព័ន្ធវីដេអូ នាថ្ងៃទី២៦ ខែតុលា ឆ្នាំ២០២១។

ឯកឧត្តម សាយ សំអាល់ លើកឡើងពីវឌ្ឍនភាពរបស់កម្ពុជា ក្នុងវិស័យបរិស្ថាន ដូចជាការធ្វើឲ្យប្រសើរឡើងនូវការគ្រប់គ្រងសំណល់រឹង ការបង្កើនថាមពលពន្លឺព្រះអាទិត្យក្នុងថាមពលចម្រុះ ដោយបង្កើនការគិតគូរពីប្រភពថាមពលស្អាតនិងថាមពលកកើតឡើងវិញ ការកាត់បន្ថយការប្រើប្រាស់ប្លាស្ទិក និងលទ្ធភាពនៃការទាញយកសំណល់ទៅជាថាមពល។

ក្នុងកិច្ចប្រជុំនេះ កម្ពុជា និង GGGI ក៏បានឯកភាពគ្នាលើការរៀបចំក្រុងឱ្យកាន់តែមានភាពបៃតង ស្របតាមបរិបថថ្មីរបស់កម្ពុជា ក៏ដូចជាកាត់បន្ថយការប្រើប្រាស់ថាមពល ក្នុងវិស័យផលិតកម្មនានាដូចជាកាត់ដេរជាដើម ដែលសុទ្ធសឹងតែជានិន្នការរបស់វិនិយោគិនជុំវិញពិភពលោក។

• ថាមពល និងបរិស្ថាន
• បច្ចេកវិទ្យា និងវិស្វកម្ម
• Energy and Environment
• Technology and Engineering
• ថាមពល និងបរិស្ថាន