កម្ពុជាមានលក្ខណៈសម្បត្តិគ្រប់គ្រាន់សម្រាប់កាស៊ីណូស្តង់ដាពិភពលោក

12 ខែមិថុនា 2018
ព័ត៌មានអចលនទ្រព្យ
8 មើល

រូបភាពមើលពីលើអាកាស នៃទីតាំងកាស៊ីណូ ណាហ្គា នៅភ្នំពេញ

ដៃគូជាន់ខ្ពស់នៃក្រុមហ៊ុនពិគ្រោះយោបល់ជំនួញ Global Market Advisors LLC ដែលមានមូលដ្ឋាននៅឡាស វ៉េហ្គាស លោក Andrew Klebanow បាននិយាយថា ជាមួយនឹងការរីកចម្រើន នៃសេដ្ឋកិច្ចក្រុងស្រុក វិស័យទេសចរណ៍ និងការវិនិយោគពីចិន ប្រទេសកម្ពុជាមានលក្ខណៈសម្បត្តិគ្រប់គ្រាន់ហើយ ដើម្បីទទួលយកការវិនិយោគឧស្សហកម្មកាស៊ីណូលំដាប់ពិភពលោក។

លោកបានប្រាប់គេហទំព័រ GGRAsia នៅឯពិព័រណ៍ល្បែងពិភពលោកអាស៊ី ២០១៨ (Global Gaming Expo (G2E) Asia 2018) នៅក្រុងម៉ាកាវ កាលពីពេលថ្មីៗនេះថា៖ «សក្តានុពល ដែលក្នុងនោះមាន សេដ្ឋកិច្ចក្នុងស្រុកកំពុងលូតលាស់ ការរីកចម្រើនខាងវិស័យទេសចរណ៍ កំណើនវិយោគពីចិន និងក្តីរំពឹងនៃច្បាប់កាស៊ីណូមួយ ផ្តល់ឲ្យជាមូលដ្ឋានក្របខណ្ឌគតិយុត្តិច្បាស់លាស់មួយសម្រាប់ឧស្សាហកម្មនេះ»។

លោក ក៏បានបន្តពន្យល់ថា គោលនយោបាយ «China-Ready» របស់កម្ពុជា អាចនឹងទាក់ទាញភ្ញៀវទេសចរចិនជាង ២លាននាក់មកកាន់កម្ពុជាជារៀងរាល់ឆ្នាំ ដែលជាផលល្អសម្រាប់អាជិវកម្មកាស៊ីណូនេះ។

លោក Klebanow បាននិយាយថា បច្ចុប្បន្ន កម្ពុជា មានតំបន់សក្តានុពលច្រើនណាស់ ដូច្នេះប្រទេសនេះក៏ចាស់ទុំល្មមសម្រាប់ការវិនិយោគលើអាជិវកម្មកាស៊ីណូលំដាប់អន្តរជាតិ ជាពិសេសគឺនៅតាមទីតាំងជាយក្រុងភ្នំពេញ ដែលជាទីតាំងដែលក្រុមហ៊ុន NagaCorp Ltd មានសិទ្ធិពិសេសសម្រាប់ធ្វើអាជិវកម្មលើវិស័យកាស៊ីណូ។