កម្ពុជាសម្រេចដាក់វិធានការតឹងរឹងទូទាំងប្រទេស ១៤ថ្ងៃទៀត ដើម្បីបង្ការវីរុសកូវីដបំប្លែងថ្មី Delta

• 29 ខែ​កក្កដា 2021
• ព័ត៌មានអចលនទ្រព្យ
• 8 មើល

សម្ដេចនាយករដ្ឋមន្រ្តី ហ៊ុន សែន កាលពីយប់ថ្ងៃទី ២៨ កក្កដា នេះ សម្រេចចេញសារាចរឱ្យគ្រប់ខេត្តក្រុងអនុវត្តវិធានការតឹងរឹងថ្មី ខណៈកម្ពុជាមានឱកាសប្រឈមនឹងរលកថ្មី និងទ្រង់ទ្រាយធំពីមេរោគកូវីដ-១៩ បំប្លែងថ្មី Delta។

វិធានការថ្មីនេះ នឹងត្រូវអនុវត្តទាំងយប់ ថ្ងៃទី២៩ ដល់ថ្ងៃទី ១២ សីហា ដែលរួមមាន៖

-សម្រេចដាក់បម្រាមគោចរចាប់ពីម៉ោង៩ យប់ដល់ម៉ោង ៣ ទៀបភ្លឺ សម្រាប់រាជធានីភ្នំពេញ និងទីរួមខេត្ត ប៉ុន្តែមានករណីលើកលែងមួយចំនួន ។

-បិទខ្ទប់ខេត្តព្រំដែនថៃទាំង៨ ដែលមានហានិភ័យឆ្លងកូវីដបំប្លែងថ្មី Delta ខេត្តទាំងនោះរួមមានខេត្តកោះកុង ពោធិ៍សាត់ បាត់ដំបង ប៉ៃលិន សៀមរាប បន្ទាយមានជ័យ ឧត្តរមានជ័យ និងព្រះវិហារ ។

-ផ្អាកសកម្មភាពការងារ និងអាជីវកម្មដែលមានហានិភ័យខ្ពស់ ដូចជាខេធីវី ក្លិបរាត្រី ក្លិបបៀរហ្គាឌិន កន្លែងកម្សាន្តផ្សេង ហាងផឹកស៊ី រោងភាពយន្ត រោងកុន សារមន្ទីរ ក្លិបកីឡា មជ្ឈមណ្ឌលហាត់ប្រាណ ការប្រមូលផ្តុំមនុស្សលើសពី ១០នាក់

-ផ្អាកការទទួលទានអាហារនៅហាងអាហារ លើកលែករណីមួយចំនួន (អានសេចក្តីសម្រេច)

ដូច្នេះ គ្រប់ខេត្តរាជធានីទាំងអស់ត្រូវចាត់វិធានការសុវត្ថិភាពរដ្ឋបាល និងសុខាភិបាលក្នុងតំបន់ភូមិសាស្ត្ររៀងៗខ្លួន។

គួរជម្រាបថា គិតមកទល់នឹងពេលនេះ កម្ពុជាមានអ្នកជំងឺកូវីដ-១៩ចំនួន ៧៥ ១៥២នាក់ និងអ្នកជំងឺដែលព្យាបាលជាសះស្បើយ មានចំនួនសរុប ៦៧ ៦៩២ នាក់ ខណៈអ្នកបាត់បង់ជីវិតកើនដល់ ១ ៣៣៩ នាក់៕

• ច្បាប់ និងបញ្ញាត្តិ
• កូវីដ ១៩
• កូវីដ ១៩
• ច្បាប់ និងបញ្ញាត្តិ