កម្ពុជា-កូរ៉េកំពុងពិភាក្សាលើកិច្ចព្រមព្រៀងស្តីពីការដឹកជញ្ជូនតាមផ្លូវសមុទ្រ 

• 14 ខែ​តុលា 2020
• Uncategorized
• 6 មើល

រដ្ឋាភិបាលកម្ពុជា និងភាគីកូរ៉េខាងត្បូង កាលពីពេលថ្មីៗនេះ បានបើកកិច្ចពិភាក្សាលើកិច្ចព្រមព្រៀងស្តីពីការដឹកជញ្ជូនតាមផ្លូវសមុទ្រ ក្នុងគោលបំណងដើម្បីកាត់បន្ថយភាពស្មុគស្មាញនៃនីតិវិធីនានា ក៏ដូចជាដើម្បីពង្រឹងវិស័យដឹកជញ្ជូនតាមផ្លូវទឹករវាងប្រទេសទាំង២ ផង។

កិច្ចពិភាក្សានេះធ្វើឡើង កាលពីថ្ងៃទី ១២ ខែតុលា ក្រោមអធិបតីភាព ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងថ្នាក់ដឹកនាំ មន្ត្រីជំនាញនៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែផងដែរ។

ឯកឧត្តម រដ្ឋលេខាធិការ ក៏បានពិនិត្យបន្ថែមលើគំរូកិច្ចព្រមព្រៀងដែលទើបនឹងអនុម័តថ្មីៗ និងកែតម្រូវតាមការណែនាំរបស់ក្រសួងការបរទេសទាក់ទងនឹងការរៀបចំតាក់តែងបទដ្ឋានគតិយុត្តិផ្សេងៗ ក្នុងកិច្ចព្រមព្រៀង មុនដាក់ជូនថ្នាក់ដឹកនាំពិនិត្យ និងសុំការឯកភាព។

គួរបញ្ជាក់ផងដែរថា ក្រសួងសាធារណការ និងដឹកជញ្ជូន កាលពីពេលថ្មីៗនេះ កំពុងពិភាក្សា និងសិក្សាឡើងវិញអំពីសេចក្តីព្រាងច្បាប់ស្តីពីកំពង់ផែ ក្នុងគោលបំណងដើម្បីពង្រឹង និងពង្រីក ប្រព័ន្ធដឹកជញ្ជូនផ្លូវទឹកនៅកម្ពុជាឱ្យកាន់តែប្រសើរឡើងផងដែរ។ (អានបន្ថែម)

• ច្បាប់ និងបញ្ញាត្តិ
• Laws and Regulation
• ច្បាប់ និងបញ្ញាត្តិ