ការប្រកួតប្រជែងកើតឡើងក្នុងទីផ្សារអចលនទ្រព្យលក់រាយនៅរាជធានីភ្នំពេញ

• 21 ខែ​ឧសភា 2019
• ព័ត៌មានអចលនទ្រព្យ
• 8 មើល

ការប្រកួតប្រជែងកំពុងកើនឡើងនៅក្នុងវិស័យអចលនទ្រព្យហាងលក់រាយក្នុងរាជធានីភ្នំពេញ ដោយសារក្រុមហ៊ុនអភិវឌ្ឍន៍សាងសង់មជ្ឈមណ្ឌលហាងលក់រាយថ្មី។ ផ្សារទំនើបបែបសហគមថ្មី និងមជ្ឈមណ្ឌលផ្សារទំនើបដែលត្រូវបានគ្រោងបញ្ចប់ ឬបើកឲ្យដំណើរការ រួមមាន Phnom Penh Megamall (អតីតផ្សារ Parkson Mall) The Bridge Downtown 93 Noro Mall និង Olympia Plaza Mall។ ការអភិវឌ្ឍថ្មីទាំងនេះ នឹងបង្កើនទំហំផ្ទៃក្រឡាលក់រាយប្រមាណជា ៣០០ពាន់ម៉ែត្រការ៉េ។

ទីផ្សារអចលនទ្រព្យនៃហាងលក់រាយត្រូវបានចាត់ទុកថាជាវិស័យអចលនទ្រព្យដែលមានភាពស្មុគស្មាញបំផុត គឺដោយសារវាមានការលំបាកច្រើននិងទាមទារច្រើនជាងវិស័យអចលនទ្រព្យផ្សេងទៀតដូចជាការិយាល័យឬទីផ្សារលំនៅដ្ឋាន។ បច្ចុប្បន្ននេះ ពាណិជ្ជកម្មអេឡិចត្រូនិចបង្កើតបានតែភាគរយតូចមួយនៃការលក់រាយសរុបនៅក្នុងប្រទេសកម្ពុជា ក៏ប៉ុន្តែវាត្រូវបានគេរំពឹងថា វានឹងរីកចម្រើនយ៉ាងឆាប់រហ័សនៅទូទាំងពិភពលោក ជាពិសេស ជាមួយនឹងការរីកចម្រើនខ្លាំងផ្នែកពាណិជ្ជកម្មអេឡិចត្រូនិកនៅតំបន់អាស៊ីអាគ្នេយ៍ ដូចជានៅប្រទេសឥណ្ឌូនេស៊ី និងហ្វីលីពីន។ ក្នុងករណីជាច្រើន រឿងនេះអាចនាំឲ្យមានការកាត់បន្ថយចំនួនហាងលក់រាយនៅលើទីផ្សារ។ នាពេលបច្ចុប្បន្ននេះ ការគំរាមកំហែងដល់ម្ចាស់ហាងលក់រាយនៅរាជធានីភ្នំពេញ គឺដោយសារការកើនឡើងនៃការផ្គត់ផ្គង់ហាងលក់រាយថ្មីៗច្រើននៅក្នុងទីក្រុង។

ជាមួយនឹងការផ្គត់ផ្គង់យ៉ាងច្រើនដែលកំពុងសាងសង់ ហើយគ្រោងនឹងបញ្ចប់នៅឆ្នាំ ២០២៣ ជាពិសេសនៅតាមមជ្ឈមណ្ឌលលក់ទំនិញធំៗនិងផ្សារទំនើបបែបសហគមន៍ គួបផ្សំជាមួយនឹងគម្រោងអភិវឌ្ឍន៍ថ្មីៗបាននឹងកំពុងរៀបចំផែនការសាងសង់ដែលនឹងចាប់ផ្តើមក្នុងពេលឆាប់ៗ ធ្វើឲ្យការប្រកួតប្រជែងកាន់តែស្វិតស្វាញ។ ជាងនេះទៀត ម្ចាស់គម្រោងហាងលក់រាយនឹងត្រូវសម្របខ្លួនទៅនឹងបរិយាកាសថ្មីដើម្បីឈរជើងក្នុងទីផ្សារ ហើយនេះ មានន័យថា នឹងមានការផ្លាស់ប្តូរដ៏ធំក្នុងគំរូអាជីវកម្មរបស់ពួកគេទៅថ្ងៃមុខ។

នៅក្នុងទីផ្សារជួលហាងលក់រាយមួយ ម្ចាស់គម្រោងបានកំណត់តម្លៃជួលដោយផ្អែកលើសមត្ថភាពរបស់អ្នកជួលក្នុងការទូទាត់ ដែលសមត្ថភាពទាំងនោះគឺផ្អែកលើប្រភេទអាជីវកម្ម ទំហំនៃហាង ជាន់នៅក្នុងអគារ និងទីតាំងណាមួយនៃជាន់ទាំងនោះ។ ម្ចាស់គម្រោងបានព្យាយាមយកថ្លៃឈ្នួលឲ្យច្រើនតាមដែលអ្នកជួលអាចមានលទ្ធភាពបង់។ សម្រាប់ទស្សនវិស័យរបស់ម្ចាស់គម្រោង និងអ្នកជួល ពួកគេទាំងពីត្រូវដឹងថា តើមានមនុស្សប៉ុន្មាននាក់មកកាន់មជ្ឈមណ្ឌលលក់រាយ តើពួកគេចំណាយប្រាក់ប៉ុន្មាន និងទៅលើអ្វីខ្លះនៅកន្លែងលក់រាយ និងព័ត៌មានលម្អិតជាច្រើនទៀត។ សម្រាប់អ្នកជួលជាពិសេស ពួកគេនឹងទាមទារកាន់តែខ្លាំងឡើងអំពីបរិមាណ និងគុណភាពនៃព័ត៌មានដែលពួកគេទទួលបានពីម្ចាស់គម្រោង ដើម្បីឲ្យពួកគេអាចផ្គូរផ្គងផលិតផល និងសេវាកម្មរបស់ពួកគេឲ្យល្អបំផុតដើម្បីបម្រើអតិថិជននៅក្នុងមជ្ឈមណ្ឌលហាងទំនិញលក់រាយ។

ម្ចាស់គម្រោងក៏អាចផ្តល់ហេតុផលទាក់ទាញដល់ភ្ញៀវក្នុងការមកកាន់មជ្ឈមណ្ឌលហាងលក់រាយរបស់ពួកគេ ឧទាហរណ៍ដូចជាការបង្កើតឱកាសពេលវេលាមានកំណត់តាមរយៈ ការលក់បញ្ចុះតម្លៃរយៈពេលខ្លី ឬកម្មវិធីដើម្បីផ្តល់ឲ្យភ្ញៀវភ្ញាក់ឡើងហើយទៅមជ្ឈមណ្ឌលលក់រាយមួយ ពីព្រោះពួកគេមិនអាចទទួលបានផលិតផលឬមានបទពិសោធនៅកន្លែងផ្សេង ឬនៅពេលផ្សេង។

លើសពីនេះ ការផ្គត់ផ្គង់កាន់តែច្រើននៅក្នុងទីផ្សារហាងលក់រាយនៅរាជធានីភ្នំពេញ មានន័យថា អត្រាតម្លៃជួលនឹងធ្លាក់ចុះ។ ស្របពេលដែលការជួលនៅក្នុងទីផ្សារហាងលក់រាយនៅតែមានស្ថិរភាពក្នុងរយៈពេលប្រាំឆ្នាំកន្លងមកនេះ បរិមាណនៃការផ្គត់ផ្គង់ហាងលក់រាយថ្មីនៅក្នុងរាជធានីភ្នំពេញ និងការប្រកួតប្រជែង មានន័យថា ការប្រែប្រួលតម្លៃលើការជួលទំនងជានឹងកើតឡើង។

ដោយសារការប្រកួតប្រជែងនៅក្នុងវិស័យហាងលក់រាយកើនឡើងនៅរាជធានីភ្នំពេញ មានមជ្ឈមណ្ឌលហាងលក់រាយដែលនឹងទទួលបានជោគជ័យហើយក៏នឹងមានមជ្ឈមណ្ឌលខ្លះបរាជ័យ។ សម្រាប់ម្ចាស់គម្រោង និងអ្នកជួល ពួកគេត្រូវយល់ដឹងពីតម្រូវការរបស់អតិថិជនដើម្បីបង្កើតមជ្ឈមណ្ឌលហាងលក់រាយដែលអាចទាក់ទាញអតិថិជនទៅក្នុងបរិវេណរបស់ពួកគេ។

• ចំណេះដឹង និង បទពិសោធន៍
• គម្រោងអភិវឌ្ឍន៍
• អត្ថបទវិភាគ
• ធុរកិច្ច និងទីផ្សារ
• ចំណេះដឹង និង បទពិសោធន៍
• គម្រោងអភិវឌ្ឍន៍
• នគរូបនីយកម្ម និងស្ថាបត្យកម្ម
• បច្ចេកវិទ្យា និងវិស្វកម្ម
• ធុរកិច្ច និងទីផ្សារ
• អត្ថបទវិភាគ