ការវិនិយោគអចលនទ្រព្យជំរុញសេដ្ឋកិច្ចមីយ៉ាន់ម៉ា

• Proeksa Meas
• 8 ខែ​ឧសភា 2018
• ព័ត៌មានអចលនទ្រព្យ
• 189 មើល

ទីផ្សារអចលនទ្រព្យដែលកំពុងរីកលូតលាស់ខ្លាំងក្នុងប្រទេសមីយ៉ាន់ម៉ា បានធ្វើឲ្យវិស័យអចលនទ្រព្យស្ថិតក្នុងប្រភពកំពូលបីសម្រាប់ការវិនិយោគផ្ទាល់ពីបរទេសកាលពីឆ្នាំមុន។

បើតាម Myanmar Times យោងតាមរបាយការណ៍របស់ Directorate of Investment and Company Administration (DICA) នៅក្នុងរយៈពេលដូចគ្នា វិនិយោគទុនផ្ទាល់ពីបរទេសក្នុងឆ្នាំសារពើពន្ធ ២០១៧-២០១៨ បានហូរចូលទៅក្នុងវិស័យអចលនទ្រព្យក្នុងទំហំទឹកប្រាក់ ១,២ប៊ីលានដុល្លារអាមេរិក តាមពីក្រោយវិស័យផលិតកម្មដែលមានទំហំទឹកប្រាក់ ១,៧ប៊ីលានដុល្លារអាមេរិកក។

ប្រទេសសិង្ហបុរី និងប្រទេសចិន គឺជាវិនិយោគិនធំជាងគេនៅក្នុងប្រទេសមីយ៉ាន់ម៉ា ដែលក្នុងនោះប្រទេសសិង្ហបុរីវិនិយោគចំនួន ២,១ប៊ីលានដុល្លារអាមេរិក ហើយប្រទេសចិនវិនយោគចំនួន១,៣ប៊ីលានដុល្លារអាមេរិក ឬស្មើនឹងជាង ៦០% នៃការវិនិយោគផ្ទាល់ពីបរទេស (FDI) ដែលត្រូវបានអនុម័ត។ តំបន់យ៉ាំងហ្គោនទទួលបានទឹកប្រាក់វិនិយោគចំនួន ២,៤ ប៊ីលានដុល្លារអាមេរិក ឬ ៤០ភាគរយនៃ FDI បន្ទាប់មកគឺតំបន់ Mandalay ដែលមានទឹកប្រាក់ ១ប៊ីលានដុល្លារអាមេរិក និងតំបន់ Mon State ដែលមានទឹកប្រាក់ ៤០០លានដុល្លារអាមេរិក។