កាស៊ីណូថ្មីមួយទៀតបង្ហាញខ្លួននៅក្រុងព្រះសីហនុ

• 11 ខែ​មេសា 2018
• ព័ត៌មានអចលនទ្រព្យ
• 9 មើល

កាស៊ីណូនិងសណ្ឋាគារថ្មីមួយបានបើកសម្ពោធដាក់ឱ្យដំណើរការកាលពីម្សិលមិញនៅខេត្តព្រះសីហនុ ប៉ុន្ដែផ្ទុយពីរាល់សព្វដងដែលជាការវិនិយោគពីប្រទេសចិន គួរឱ្យភ្ញាក់ផ្អើលកាស៊ីណូថ្មីមួយនេះជាការវិនិយោគពីប្រទេសមីយ៉ាន់ម៉ា ដែលឈ្មោះថាGobo East Entertainment Hotel & Casino ។

ក្នុងឱកាសនៃការបើកសម្ពោធដាក់ឱ្យដំណើរការនេះក៏មានការចូលរួមជាអធិបតីភាពពីសំណាក់ លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្រ្ដីក្រសួងទំនាក់ទំនងជា មួយរដ្ឋសភា ព្រឹទ្ធសភា ព្រមជាមួយនឹង ឯកឧត្តម យូ មីយីនស៊ូ ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសមីយ៉ាន់ម៉ា ប្រចាំប្រទេសកម្ពុជាផងដែរ។

Gobo East Entertainment Hotelមានទីតាំងស្ថិតនៅតាមបណ្ដោយឆ្នេរ ជាអគារកម្ពស់ ៥ ជាន់ និងមានសរុប ១២៣ បន្ទប់ ដែលក្នុងនោះបានប្រើប្រាស់ទុនវិនិយោគប្រមាណ ១៣ លានដុល្លារ។

លោកជំទាវម៉ែន សំអន បានមានប្រសាសន៍ថា៖“ការវិនិយោគលើសណ្ឋាគារនិងកាស៊ីណូរបស់ក្រុមហ៊ុន ហ្គោបូ អ៊ីស្ត អ៊ីនធ័រធេនមិន នេះជាការឆ្លុះបញ្ចាំងនូវការលូតលាស់ទៅមុខឥតឈប់ឈរនៃការវិនិយោគរបស់បរទេសមកកាន់កម្ពុជា។ នៅពេលដែលមានការវិនិយោគបរទេសកាន់តែច្រើនសេដ្ឋកិច្ចក្នុងតំបន់ក៏កាន់តែរីកចម្រើនជាពិសេសនៅការវិនិយោគនេះនឹងជួយបង្កើតការងារសម្រាប់ប្រជាជនក្នុងស្រុកផងដែរ”។

“ខេត្តព្រះសីហនុកំពុងតែមានសក្តានុពលយ៉ាងខ្លាំងទាំងវិស័យទេសចរណ៍និងវិស័យអចលនទ្រព្យ ហើយរដ្ឋាភិបាល បាននឹងកំពុងប្រឹងប្រែងអស់ពីសមត្ថភាពដើម្បីធានាថាការអភិវឌ្ឍន៍នេះប្រកបទៅដោយនិរន្តរភាពនិងយូរអង្វែង” លោកជំទាវ បានបន្ត។

• គម្រោងអភិវឌ្ឍន៍
• គម្រោងអភិវឌ្ឍន៍