កំណើន ១៤ភាគរយ នៃវិស័យសំណង់គឺគាំទ្រដោយសំណង់លំនៅដ្ឋានជាង ៨០ភាគរយ

• 31 ខែ​កក្កដា 2018
• ព័ត៌មានអចលនទ្រព្យ
• 8 មើល

ការកើនឡើងនៃគម្រោងវិស័យសំណង់ក្នុងឆមាសទី១នៃឆ្នាំ ២០១៨ គឺគាំទ្រដោយសំណង់លំនៅដ្ឋានប្រមាណជាង ៨០ ភាគរយ នៃគម្រោងសាងសង់សរុប នេះបើយោមតាមរបាយការណ៍ប្រចាំឆ្នាំរបស់ធនាគារជាតិនៃកម្ពុជា។

ក្នុងរយៈពេល ៦ខែ ដំបូងនៃឆ្នាំ២០១៨ គម្រោងវិស័យសំណង់មានចំនួនសរុបប្រមាណជា ១៧៤២ គម្រោង គឺមានការកើនឡើងរហូតដល់ទៅ ១៤ ភាគរយបើធៀបទៅនឹងរយៈពេលដូចគ្នាកាលពីឆ្នាំមុន។ ក្នុងនោះផងដែរ សំណង់លំនៅដ្ឋានរួមចំណែកចំនួន ៨៥,២៥ ភាគរយ សំណង់ពាណិជ្ជកម្ម ៨,០៩ភាគរយ សំណង់ទេសចរណ៍ ២,៩៣ភាគរយ សំណង់សាធារណៈ ១,៩៥ភាគរយ និងសំណង់ឧស្សាហកម្ម ១,៧៨ភាគរយ នៃសំណង់ទាំងអស់។

របាយការណ៍ខាងលើបានឲ្យដឹងថា កក្តាដែលជំរុញឲ្យមានការកើនឡើងយ៉ាងខ្លាំងសំរាប់សំណង់លំនៅដ្ឋានគឺដោយសារគម្រោងថ្មីៗបានផ្តោតសំខាន់ទៅលើសំណង់ដែលមានតម្លៃសមរម្យ និងទាបជាងមុនក្នុងការផ្គត់ផ្គង់តម្រូវការរបស់ប្រជាជនមានចំណូលមធ្យមនិងទាប។
សូមបញ្ជាក់ផងដែរថា គម្រោងលំនៅដ្ឋានតម្លៃសមរម្យគឺធ្វើឡើងដើម្បីឆ្លើយតបទៅនឹងតម្រូវការលំនៅដ្ឋាន របស់អ្នកមានចំណូលទាបនិងមធ្យម ព្រោះថាបច្ចុប្បន្នប្រជាពលរដ្ឋកម្ពុជាជិត ៩,៨លាននាក់កំពុងប្រឈមនិងបញ្ហាគ្មានលំនៅដ្ឋានសមរម្យរស់នៅ។
បើតាមការប្រកាសថ្មីៗនេះរបស់ក្រុមហ៊ុនអភិវឌ្ឍន៏អចលទ្រព្យ B&BM Development Co., Ltd. បាន បើកលក់ជាផ្លូវការនូវគម្រោងលំនៅដ្ឋានតម្លៃសមរម្យសម្រាប់អ្នកមានប្រាក់ចំណូលទាប និង មធ្យមចំនួនសរុបជាង ៥០០០ខ្នង។ (អានបន្ថែម)

• ធុរកិច្ច និងទីផ្សារ
• ធុរកិច្ច និងទីផ្សារ