ក្រសួងកំពុងពន្លឿនរៀបចំទីតាំងថ្មីនៅរុនតាឯកសម្រាប់ពលរដ្ឋដែលចេញពីតំបន់អង្គរ

• 23 ខែ​សីហា 2022
• ព័ត៌មានអចលនទ្រព្យ
• 7 មើល

ក្រោយពិនិត្យឃើញមានសំណង់ខុសច្បាប់រហូតដល់ ៨៤៤៨ករណី ក្នុងតំបន់អង្គរ ឯកឧត្តម ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានចេញបញ្ជាបន្ទាន់មួយ ឱ្យរៀបចំដី ៦៥០០ ឡូត៍ នៅរុនតាឯក សម្រាប់ប្តូរប្រជាពលរដ្ឋឱ្យទៅរស់នៅទីនោះវិញ។ (អានបន្ថែម)

ឯកឧត្តមបានឱ្យដឹងកាលពីថ្ងៃទី ទី១៧ សីហា ២០២២ នេះ ថា ដើម្បីទទួលបានដីឡូត៍នៅរុនតាឯក ពលរដ្ឋត្រូវមានលក្ខខ័ណ្ឌច្បាស់លាស់ មិនអាចចេះតែឱ្យៗនោះទេ ។

«បន្ទាប់មកពួកគាត់ត្រូវធ្វើការចាប់ឆ្នោត ដើម្បីទទួលបានប័ណ្ណកម្មសិទ្ធិ (ឬប្លង់អាល់ម៉ាម) ភ្លាមៗ ដោយមិនបាច់រង់ចាំឱ្យគ្រប់៥ឆ្នាំឡើយ» ឯកឧត្តមបានបន្ដ។

ដើម្បីជំរុញយុទ្ធនាការនេះឱ្យបានលឿនរហ័ស ឯកឧត្តម ក៏បានអញ្ជើញចុះពិនិត្យទីតាំងផ្ទាល់ នៅតំបន់អភិវឌ្ឍភូមិធម្មជាតិ រុនតាឯក ស្ថិតនៅឃុំរុនតាឯក ស្រុកបន្ទាយស្រី ខេត្តសៀមរាប នៅថ្ងៃទី២២ សីហា នេះ ផងដែរ។

• ច្បាប់ និងបញ្ញាត្តិ
• ច្បាប់ និងបញ្ញាត្តិ