ក្រសួងរៀបចំដែនដី៖ ការស្កេន QR Code លើអចលនវត្ថុផ្អាកដំណើរការជាបណ្ដោះអាសន្ន

• 15 ខែ​មីនា 2021
• ព័ត៌មានអចលនទ្រព្យ
• 15 មើល

ក្រសួងរៀបចំដែនដី នគរូបនីកម្ម និងសំណង់ កាលពីថ្ងៃទី១៤ ខែមីនា ឆ្នាំ២០២១ បានប្រកាសផ្អាកជាបណ្ដោះអាសន្ននូវការផ្ដល់សេវាស្កេន QR Code ដែលមាននៅលើសន្លឹកវិញ្ញាបនបត្រសម្គាល់អចលនវត្ថុ។

ក្នុងសេចក្ដីប្រកាសបានបញ្ជាក់ថា ការផ្អាកជាបណ្ដោះអាសន្ននេះ គឺដោយសារក្រុមការងារបច្ចេកទេសកំពុងដំឡើងប្រព័ន្ធឡើងវិញ។ ក្រសួងនឹងផ្ដល់ដំណឹងសាជាថ្មី នៅពេលដែលប្រព័ន្ធបច្ចេកទេសនេះរៀបចំរួចរាល់។

គួរបញ្ជាក់ថា ប្រព័ន្ធពិនិត្យព័ត៌មានសុរិយោដីតាមរយៈការស្កេន QR Code ដោយប្រើកម្មវិធីលើទូរស័ព្ទដៃស្មាតហ្វូន ត្រូវបានដាក់ឱ្យប្រើប្រាស់តាំងពីដើមឆ្នាំ ២០២០ មកម្លេះ។

ប្រព័ន្ធ QR Code នេះធ្វើឡើងដើម្បីឱ្យអ្នកសាធារណជនអាចស្វែងព័ត៌មានរបស់អចលនទ្រព្យបានដោយខ្លូនឯង ពោលគឺដើម្បីជៀសវាងបញ្ហាក្ដីក្ដាំពេលទិញលក់។ (អានបន្ថែម)

តាមរយៈទូរស័ព្ទស្មាតហ្វូន លោកអ្នកនឹងអាចដឹងពីព័ត៌មាននៃដី ដូចជា ថ្ងៃខែឆ្នាំធ្វើបច្ចុប្បន្នភាព ទីតាំងក្បាលដី លេខក្បាលដី ទំហំដី រូបភាពប្រើប្រាស់ដី លក្ខណៈនៃការប្រើប្រាស់ដី ប្រភេទទ្រព្យ ម្ចាស់កម្មសិទ្ធិ សិទ្ធិលើការបញ្ចាំ ហ៊ីប៉ូតែក សិទ្ធិជួលអចិន្រ្តៃយ៍ សេវភាព ការរឹបអូស និងព័ត៌មានជាច្រើនទៀត។

• ច្បាប់ និងបញ្ញាត្តិ
• ច្បាប់ និងបញ្ញាត្តិ