ក្រសួងសាធារណការ គ្រោងបើកមជ្ឈមណ្ឌល់ផ្ដល់សេវារហ័សមួយទៀត នៅក្រុងព្រះសីហនុ

• 28 ខែ​មករា 2022
• Uncategorized
• 4 មើល

ក្រសួងសាធារការ និងដឹកជញ្ជូន គ្រោងបង្កើតមជ្ឈមណ្ឌលផ្តល់សេវាកម្មសាធារណការ ថ្មីមួយកន្លែងនៅក្រុងព្រះសីហនុ ដើម្បីបង្ខិតសេវាកម្មទៅកៀកនឹងប្រជាពលរដ្ឋ និងបង្កភាពងាយស្រួលក្នុងការផ្តល់សេវាកម្មយ៉ាងមានប្រសិទ្ធភាព។

មជ្ឈមណ្ឌលនេះ គ្រោងនឹងបង្កើតឡើងនៅខែ មីនា ខាងមុខ ដែលមានទីតាំងស្ថិតនៅផ្សារ Fury Mall ក្នុងក្រុងព្រះសីហនុ។ នេះជាការបញ្ជាក់របស់ឯកឧត្តម ស៊ុន ចាន់ថុល ទេសរដ្ឋមន្រ្តី និងជារដ្ឋមន្រ្តីក្រសួងសាធារណការ និងដឹកជញ្ជូនក្នុងសន្និបាតក្រសួងកាលពីព្រឹកថ្ងៃទី ២៧ មករា។

ឯកឧត្តម ស៊ុន ចាន់ថុល ថ្លែងថា៖ «បន្តិចទៀត ប្រហែលជា ២ ខែ យ៉ាងយូរ គឺមួយទៀត នៅក្រុងព្រះសីហនុ នៅ Fury Mall។ ការផ្តល់ និងរៀបចំទីតាំងដើម្បីផ្តល់សេវាសាធារណៈ សេវាចាំបាច់ជូនបងប្អូនប្រជាពលរដ្ឋ ធ្វើឱ្យមានតម្លាភាព ធ្វើឱ្យមានប្រសិទ្ធភាព និងធ្វើឱ្យបានលឿន»។

បច្ចុប្បន្ន ក្រសួងបានបើកដំណើរការ មជ្ឈមណ្ឌលសេវាកម្មសាធារណការ ច្រើនកន្លែងរួមមាន នៅក្រសួងផ្ទាល់ ផ្សារទំនើបAeon Mall ទី១ Aeon Mall ទី២ Noro Mall និងនៅ Heritage Walk ក្រុងសៀមរាប។

ឯកឧត្តម ស៊ុន ចាន់ថុល បញ្ជាក់បន្ថែមថា ក្រសួងនឹងបន្តរកទីតាំងផ្សេងៗទៀតដើម្បីផ្តល់សេវាទៅកៀកនឹង ប្រជាពលរដ្ឋ និងដើម្បីកាត់បន្ថយចំណាយក្រៅផ្លូវការរបស់ប្រជាពលរដ្ឋ។

• ច្បាប់ និងបញ្ញាត្តិ
• Laws and Regulation
• ច្បាប់ និងបញ្ញាត្តិ