ក្រសួង៖គម្រោងស្ពានជ្រោយចង្វា-ស្វាយជ្រុំឈានដល់ដំណាក់កាលពិភាក្សាបច្ចេកទេសរវាងកម្ពុជា-កូរ៉េហើយ

• 25 ខែ​កុម្ភៈ 2021
• ព័ត៌មានក្នុងស្រុក
• 8 មើល

អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងថា ភាគីកម្ពុជា និងមន្រ្តីជំនាញរបស់ប្រទេសកូរ៉េខាងត្បូង កំពុងពិភាក្សាបច្ចេកទេសលើគម្រោងសាងសង់ស្ពានឆ្លងកាត់ទន្លេមេគង្គ ភ្ជាប់ពីតំបន់ជ្រោយចង្វារ ទៅតំបន់ស្វាយជ្រុំ និងអរិយក្សត្រ។

ឯកឧត្តម វ៉ាស៊ីម សុរិយា បានឱ្យដឹងនៅថ្ងៃទី ២៥ កុម្ភៈនេះ ថាការពិភាក្សារវាងមន្រ្តីជំនាញ និងប្រទេសទាំងពីរ គឺផ្តោតទៅលើបច្ចេកទេសសិន ចំណែកឯព័ត៌មានលម្អិត នឹងត្រូវសិក្សាពេលក្រោយ។

ឯកឧត្តម ថ្លែងថា៖ «អត់ទាន់និយាយដល់កាលបរិច្ឆេទ និយាយពីតម្លៃ និងទីតាំងនៃការសាងសង់នោះទេ ព្រោះគេត្រូវការពេលវេលាសិក្សាបច្ចេកទេសសាងសង់ និងថវិកាបន្ថែមទៀត»។

«ជាទូទៅ ការពិភាក្សាអំពីបច្ចេកទេសនេះ គឺត្រូវជជែកវែកញែក មុននឹងចាប់ផ្ដើមសិក្សាជាផ្លូវការ» ឯកឧត្តមបានបន្ត។

គួរបញ្ជាក់ផងដែរថា ប្រធានាធិបតីសាធារណរដ្ឋកូរ៉េ លោក មូន ជេអ៊ីន កាលពីអំឡុងខែវិច្ឆិកា ឆ្នាំ ២០២០ ធ្លាប់បានប្រកាសថា ប្រទេសកូរ៉េនឹងជួយសាងសង់ស្ពានមិត្តភាពកម្ពុជា-កូរ៉េ ឆ្លងកាត់ទន្លេមេគង្គ។ (អានបន្ថែម)

• Investment and Funding
• Road and Infrastructure
• Projects Development