ក្រុមហ៊ុនចិន កំពុងសិក្សាតម្រាយផ្លូវភ្ជាប់ផ្លូវក្រវាត់ក្រុងទី៣ ភាគខាងកើត ភ្ជាប់ទៅស្រុកល្វាឯម

• Sommana Yan
• 26 ខែ​មករា 2022
• Uncategorized
• 234 មើល

ក្រុមហ៊ុនចិន បាននិងកំពុងសិក្សាលើតម្រាយផ្លូវក្រវាត់ក្រុងទី ៣ ភាគខាងកើត ភ្ជាប់ពីក្រវាត់ក្រុងដែលកំពុងសាងសង់បច្ចុប្បន្ន ឆ្លងទន្លេមេគង្គ ទៅស្រុកល្វាឯម ខណៈបច្ចុប្បន្នកំពុងពន្លឿនបញ្ចប់។

ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងកាលពី នៅថ្ងៃទី២៦ ខែមករានេះថា៖ «យើងមានការសិក្សាគម្រោងផ្លូវក្រវ៉ាត់ក្រុងទី៣ ដើម្បីបន្តទៅម្ខាងទៀត ខាងល្វាឯម ហើយនេះជាការងារក្រុមហ៊ុនចិន បានសិក្សា»។

ក្រុមហ៊ុននេះ គឺក្រុមហ៊ុនដែលកំពុងសាងសង់ផ្លូវក្រវាត់ក្រុងទី៣ បច្ចុប្បន្ន ដែលកំពុងដំណើរការទៅតាមផែនការ។

ឯកឧត្តម វ៉ាស៊ីម សុរិយា ធ្លាប់ឱ្យដឹងថា គម្រោងផ្លូវក្រវាត់ក្រុងទី៣ ខាងកើតនេះ វាអាចនឹងឆ្លងកោះដាច់ កោះអន្លង់ចិន រួចត្រូវឡើងទៅផ្លូវជាតិលេខ៦។ ប៉ុន្តែ មិនទាន់កំណត់ជាក់ច្បាស់ទេ។

គួរបញ្ជាក់ថា ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ធ្លាប់បានឱ្យដឹងកាលពីខែ សីហា កន្លងមកនេះ ថារដ្ឋនឹងផ្ដោតលលើផ្លូវក្រវាត់ក្រុងទី៣ ប៉ែកខាងកើតនេះសិន មុននឹងគិតដល់ក្រវាត់ក្រុងទី ៤។ (អានបន្ថែម)