ក្រុមហ៊ុនថ្មីមួយទៀត កំពុងសាកល្បងអាជីវកម្មចម្រាញ់រ៉ែមាសនៅព្រះវិហារ

• 9 ខែ​សីហា 2022
• Uncategorized
• 7 មើល

ក្រុមហ៊ុន Delcom Campuchea PLC​ Ltd បានចាប់ផ្តើមផលិតកម្មចម្រាញ់រ៉ែមាសសាកល្បងកាលពីដើមខែសីហានេះ ដែលស្ថិតនៅក្នុងខេត្តព្រះវិហារ បច្ចុប្បន្នទទួលបានទិន្នផលសរុបប្រមាណ ​២០គីឡូ។​

ឯកឧត្តម  អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ ក្រសួងរ៉ែ និងថាមពល បានលើកឡើងនៅក្នុងសន្និសីទសារព័ត៌មានស្តីពី សមិទ្ធផលសម្រេចបានរយៈពេល៥ឆ្នាំកន្លងមក របស់ក្រសួងរ៉ែ និងថាមពល នៅទីស្តីការគណៈរដ្ឋមន្រ្តី នៅថ្ងៃទី ៩ ខែ សីហា ឆ្នាំ ២០២២។

ឯកឧត្តម ថ្លែងថា៖ “បច្ចុប្បន្នកម្ពុជាមានក្រុមហ៊ុនថ្មីមួយទៀត គឺក្រុមហ៊ុន Delcom ជាក្រុមហ៊ុនខ្នាតមធ្យម បានចាប់ផ្តើមផលិតមាសជាលើកដំបូងនៅព្រះវិហារ។ បើគិតត្រឹមថ្ងៃទី៤ ខែ សីហា ឆ្នាំ ២០២២ នេះ ក្រុមហ៊ុនចម្រាញ់មាសបានចំនួន ២០គីឡូក្រាម រួចហើយ។ បើតាមផែនការ គេគ្រោងផលិតឱ្យបាន ៣៤០គីឡូក្រាម ក្នុងមួយឆ្នាំ គិតជាចំណូលសួយសារជិត ៦០ម៊ឺនដុល្លារ”។

ក្រុមហ៊ុន Delcom Campuchea PLC​ Ltd ជាក្រុមហ៊ុនចូលរួមសហវិនិយោគរវាងវិនិយោគក្នុងស្រុក និងមកពីប្រទេសចិន​បានទទួលអាជ្ញាបណ្ណស្វែងរុករ៉ែមាស កាលពីឆ្នាំ២០០៩។

ទាក់ទងនឹងផលិតកម្មរ៉ែមាស​របស់ក្រុមហ៊ុន Renaissance Minerals (Cambodia)​ ឯកឧត្តម  លើកឡើងថា ក្រុមហ៊ុន ផលិតមាសបាន ២៣២ដុំ ត្រូវប្រមាណ ៣៥៤៣ គីឡូក្រាម និងបានបង់ចំណូលសួយសារចូលរដ្ឋបានចំនួនជាង ៥,១ លានដុល្លារអាមេរិក ។ (អានបន្ថែម)

• ថាមពល និងបរិស្ថាន
• គម្រោងអភិវឌ្ឍន៍
• Energy and Environment
• Projects Development
• គម្រោងអភិវឌ្ឍន៍
• ថាមពល និងបរិស្ថាន