ក្រុមហ៊ុនយក្សអាមេរិកប្រកាសជ័យលាភីពានរង្វាន់ហេដ្ឋារចនាសម្ព័ន្ធឆ្នើមប្រចាំឆ្នាំ ២០២០

• 23 ខែ​តុលា 2020
• Uncategorized
• 6 មើល

ក្រុមហ៊ុន Bentley Systems ដែលជាក្រុមហ៊ុនអាមេរិកឈានមុខគេផ្នែក software គ្រប់គ្រងគម្រោងសាងសង់បែបឌីជីថល កាលពីថ្មីៗ បានប្រកាសឈ្មោះជ័យលាភីពានរង្វាន់ហេដ្ឋារចនាសម្ព័ន្ធឆ្នើមប្រចាំឆ្នាំ ២០២០ ។

ឈ្មោះជ័យលាភី ត្រូវបានប្រកាសក្នុងសន្និសីទប្រចាំឆ្នាំ Year In Infrastructure 2020 ដែលប្រារព្ធឡើងតាមប្រព័ន្ធអនឡាញជាលើកដំបូងបង្អស់កាលពីថ្ងៃទី ២០ និង ២១ តុលា កន្លងមកនេះ។

ក្នុងចំណោមអ្នកចូលរួមប្រកួតជាង ៣៣០ ក្រុមហ៊ុន ដែលមកពីជាង ៦០ ប្រទេសលើពិភពលោក គណៈកម្មការបានសម្រេចជ្រើសអ្នកឈ្នះចំនួន ១៩ រូប និងអ្នកទទួលរង្វាន់កិត្តិយលសចំនួន ១៥ រូប។

សន្និសីទហេដ្ឋារចនាសម្ព័ន្ធ ឬ Year In Infrastructure នេះ គឺជាកម្មវិធីដែល Bentley Systems រៀបចំឡើងជារៀងរាប់ឆ្នាំ ក្នុងគោលបំណងដើម្បីប្រមូលផ្ដុំអ្នកជំនាញ និងអ្នកដឹកនាំក្នុងវិស័យសំណង់ និងហេដ្ឋារចនាសម្ពន្ធ័ឈានមុខគេនៅជុំវិញពិភពលោក ឱ្យមកជួបជុំពិភាក្សាផ្លាស់ប្ដូរយោបល់គ្នាទាក់ទង់និងបច្ចេកវិទ្យាថ្មីៗ និងសមិទ្ធផលនានាដែលគួរឱ្យចាប់អារម្មណ៍។

ក្នុងឆ្នាំនេះដែរក្រុមហ៊ុន Bentley Systems ក៏បានសហការជាមួយក្នុងក្រុមហ៊ុន Microsoft ជាលើកដំបូង ដើម្បីរៀបចំព្រឹត្តការណ៍ដំធំនេះតាមរយៈប្រព័ន្ធអនឡាញ។

ទស្សនាវដ្តីសំណង់ និងអចលនទ្រព្យ ជារៀងរាល់ឆ្នាំតែងតែចូលរួមក្នុងកម្មវិធីនេះ ប៉ុន្តែសម្រាប់ឆ្នាំនេះ ទស្សនាវដ្តីសំណង់ និងអចលនទ្រព្យគឺជាសារព័ត៌មានពីកម្ពុជាតែមួយគត់ ដែលមានកិត្តិយសក្លាយភ្នាក់ងារសារព័ត៌មានដៃគូក្នុងកម្មវិធីដ៏មហិមានេះ។

ដើម្បីមើលបទបង្ហាញ និងគម្រោងដែលដាក់ប្រកួតរបស់បេក្ខជនចុងក្រោយ សូមចុចទីនេះ។

ដើម្បីមើលបញ្ជីឈ្មោះអ្នកឈ្នះ សូមចុចទីនេះ ។

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍