ក្រុមហ៊ុនវិនិយោគចិន ២ គ្រោងសង់រោងចក្រនៅក្នុងតំបន់សេដ្ឋកិច្ចពិសេសភ្នំពេញ

• 25 ខែ​សីហា 2020
• Uncategorized
• 6 មើល

រូបភាពតំណាង

ការវិនិយោគនៅកម្ពុជានៅតែមានដង្ហើម ទោះពីវិបត្តិកូវីដនៅមិនទាន់ស្ងប់ក្ដី ដោយមានក្រុមហ៊ុនចិនថ្មីចំនួន ២ គ្រោងសាងសង់រោងចក្របច្ចេកវិទ្យាអេឡិចត្រូនិក ក្នុងតំបន់សេដ្ឋកិច្ចពិសេសភ្នំពេញ (PPSEZ)។

សេចក្ដីប្រកាសនៃតំបន់សេដ្ឋកិច្ចពិសេសភ្នំពេញ (Phnom Penh SEZ) កាលពីសប្តាហ៍មុន បានឱ្យដឹងថា បញ្ហាកូវីដ ១៩ ធ្វើឲ្យប៉ះពាល់ដល់វិស័យនានា ហើយក៏ប៉ះពាល់ដល់បណ្ដាញការផ្គត់ផ្គង់ផងដែរ។ លើសពីនេះ ក្រុមហ៊ុនធំៗដែលកំពុងដំណើរការក្នុងតំបន់សេដ្ឋកិច្ចពិសេសភ្នំពេញក៏កំពុងទទួលរងឥទ្ធិពលផងដែរ។

យ៉ាងណាមិញនៅក្នុងវិបត្តិក៏នៅមានឱកាស ដោយមានក្រុមហ៊ុនវិនិយោគចិនធំៗ ថ្មីចំនួន ២ បានសម្រេចចិត្តវិនិយោគនៅតំបន់សេដ្ឋកិច្ចពិសេសកម្ពុជា ទោះបីមានបញ្ហាកូវីដកើតឡើងក៏ដោយ។

ក្រុមហ៊ុនទាំង ២ នេះរួមមាន ក្រុមហ៊ុន SEIKAWA (Cambodia) Technology Co., Ltd ដែលជាក្រុមហ៊ុនផលិតគ្រឿងបន្លាស់ប្លាស្ទិកសម្រាប់ឧបករណ៍អគ្គិសនី និងអេឡិចត្រូនិក និងក្រុមហ៊ុន WCFO (Cambodia) Co., Ltd ជាក្រុមហ៊ុនផលិតឧបករណ៍ហ្វាយប៊ឺអុបទិក និងនាំចេញទៅប្រទេសជប៉ុន និងអាមេរិក។

ប្រភពដដែលនេះបានបន្តថា៖ «ក្រុមហ៊ុនវិនិយោគទាំង ២ នេះ សម្លឹងឃើញថាកម្ពុជាជាប្រទេសមូលដ្ឋានមួយ ដែលងាយស្រួលសម្រាប់ហ្វឹកហាត់ កម្លាំងពលកម្មវ័យក្មេង តម្លៃទាប និងភាពអនុគ្រោះ ដែលជាឱកាសល្អក្នុងការវិនិយោគ ជាពិសេសក្នុងពេលដែលមានជម្លោះពាណិជ្ជកម្មរវាងអាមេរិក និងចិន»។
យោងតាមកាសែតភ្នំពេញប៉ុស្តិ៍ តំបន់សេដ្ឋកិច្ចពិសេសភ្នំពេញ មានទំហំពាណិជ្ជកម្មជាង ១ ពាន់លានដុល្លារ ហើយបាននាំចេញទំនិញតម្លៃ ២,៦៨ ពាន់លានដុល្លារ ក្នុងឆ្នាំ ២០១៩។

• គម្រោងអភិវឌ្ឍន៍
• ការវិនិយោគ និងមូលធន
• ធុរកិច្ច និងទីផ្សារ
• Investment and Funding
• Business and Market
• Projects Development
• គម្រោងអភិវឌ្ឍន៍
• ការវិនិយោគ និងមូលធន
• ធុរកិច្ច និងទីផ្សារ