ក្រុមហ៊ុន ជីប ម៉ុង សាងសង់ផ្សារទំនើបដ៏ធំមួយនៅខណ្ឌសែនសុខ

• 16 ខែ​កក្កដា 2018
• ព័ត៌មានអចលនទ្រព្យ
• 8 មើល

ក្រុមហ៊ុន Chip Mong Retail ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន ជីប ម៉ុង គ្រុប កាលពីថ្ងៃទី ១២ ខែកក្កដា បានរៀបចំពិធីបញ្ចុះបឋមសីលាបើកការដ្ឋានសាងសង់ផ្សារទំនើបដ៏ធំមួយឈ្មោះថា ជីប ម៉ុង សែនសុខ នៅក្នុងខណ្ឌសែនសុខ។

ផ្សារទំនើបថ្មីមួយនេះ មានទីតាំងស្ថិតនៅទល់មុខគម្រោង ដឹផាកលែន សែនសុខ តាមបណ្ដោយផ្លូវឧកញ៉ា ម៉ុង ឫទ្ធី។ ផ្សារទំនើបនេះនឹងមានផ្ទៃក្រឡាសរុបប្រមាណ ៤ ម៉ឺនម៉ែត្រការ៉េ ដែលនឹងផ្ដល់សេវាកម្មដួចជា ហាងលក់គ្រឿងឧបភោគបរិភោគគ្រប់បែបយ៉ាង ភោជនីយដ្ឋាន កន្លែកម្សាន្តកុមារ ហាងលក់សម្លៀកបំពាក់ទូទៅ សម្លៀកបំពាក់កីឡាប្រេនល្បីៗ ក្លឹបហាត់ប្រាណ ជាពិសេសរោងភាពយន្តដ៏ទំនើបទាន់សម័យ។

ការបើកផ្សារទំនើបថ្មីមួយនេះ គឺជាការឆ្លើយតបទៅនឹងតម្រូវការរបស់ប្រជាពលរដ្ឋដែលកើនឡើងជាបន្តបន្ទាប់ ជាពិសេសសម្រាប់អ្នកដែលកំពុងរស់ក្នុងខណ្ឌសែនសុខទាំងអស់។

បើយោងតាមសេចក្តីប្រកាសរបស់ក្រុមហ៊ុនជីប ម៉ុង ផ្សារទំនើប ជីបម៉ុងសែនសុខនេះ រំពឹងថានឹងបញ្ចប់ការសាងសង់ ហើយនឹងបើកឲ្យដំណើរការនៅឆ្នាំ ២០២០ ខាងមុខនេះ។

គួរបញ្ជាក់ផងដែរថា កាលពីខែមិថុនាកន្លងមកនេះ ក្រុមហ៊ុន ជីប ម៉ុង គ្រុប ក៏ទើបនឹងបើកការដ្ឋានសាងសង់មជ្ឈមណ្ឌលពាណិជ្ជកម្មដំបូងរបស់ខ្លួនមួយនៅជិតវិទ្យាល័យបាក់ទូក ឈ្មោះថា Chip Mong Baktouk ដែលមជ្ឈមណ្ឌលនេះនឹងមានសេវាកម្មដូចជា ការិយាល័យសម្រាប់ជួល ហាងលក់ទំនិញ ធនាគារ និង ភោជនីយដ្ឋានដើម។

បើតាមប្រភពដដែលនេះ ក្រុមហ៊ុន ជីប ម៉ុង គ្រុប ក៏គ្រោងនឹងវិនិយោគលើផ្សារទំនើបដទៃទៀតក្នុងឆ្នាំ ២០១៨ នេះ ផងដែរ។

ផ្សារទំនើប ជីប ម៉ុង សែនសុខ

• គម្រោងអភិវឌ្ឍន៍
• គម្រោងអភិវឌ្ឍន៍