ក្រុមហ៊ុន Renaissance Minerals ទទួលបានអាជ្ញាបណ្ណសិទ្ធរុករ៉ែមាសនៅខេត្តត្បូងឃ្មុំហើយ

• 10 ខែ​កញ្ញា 2021
• Uncategorized
• 7 មើល

ក្រសួងរ៉ែ និងថាមពល បានផ្តល់អាជ្ញាបណ្ណឱ្យក្រុមហ៊ុន Renaissance Minerals (Cambodia) រុករករ៉ែមាស នៅក្នុងឃុំជាំតាម៉ៅ ស្រុកមេមត់ ខេត្តត្បូងឃ្មុំ បន្ថែមទៀត ក្រោយក្រុមហ៊ុនមួយនេះទើបប្រកាសបើកឧស្សាហកម្មរ៉ែមាសខ្នាតពាណិជ្ជកម្មដំបូងបង្អស់នៅកម្ពុជា ក្នុងខេត្តមណ្ឌលគីរី កាលពីខែមិថុនាកន្លងមកនេះ។

នេះបើយោងតាមឯកឧត្តម ជាម ច័ន្ទសោភ័ណ អភិបាលខេត្តត្បូងឃ្មុំ ក្នុងជំនួបរវាងតំណាងក្រុមហ៊ុន នៅថ្ងៃទី០៩ ខែកញ្ញា ឆ្នាំ២០២១ កន្លងទៅ។

សម្តេចតេជោ ហ៊ុន សែន នាយករដ្ឋមន្រ្តី នៃប្រទេសកម្ពុជា ធ្លាប់មានប្រសាសន៍ថា តាមរយៈប្រតិបត្តិការរបស់ក្រុមហ៊ុន Renaissance Minerals កម្ពុជាអាចចម្រាញ់មាស ១៣៧គីឡូ ជាមធ្យម ក្នុង១ខែ ឬស្មើនឹង ៣តោន ក្នុងមួយឆ្នាំ។ (អានបន្ថែម)

គិតត្រឹមខែសីហា រ៉ែមាស ៥៩ គីឡូក្រាម ដំបូងត្រូវបាននាំចេញពីកម្ពុជាទៅធ្វើការបន្សុទ្ធនៅប្រទេសអូស្រ្តាលីហើយ ខណៈក្រុមហ៊ុនគ្រោងនាំចេញលើកទី២ ក្នុងបរិមាណ ១០០គីឡូ នៅក្នុងពេលឆាប់ៗនេះ។ (អានបន្ថែម)

• ថាមពល និងបរិស្ថាន
• គម្រោងអភិវឌ្ឍន៍
• Energy and Environment
• Projects Development
• គម្រោងអភិវឌ្ឍន៍
• ថាមពល និងបរិស្ថាន