ខណ្ឌសែនសុខមានគម្រោងបុរីច្រើនជាងគេស្របពេលខណ្ឌជ្រោយចង្វារកំពុងទាក់ទាញខ្លាំង

• 9 ខែ​មេសា 2019
• ព័ត៌មានអចលនទ្រព្យ
• 15 មើល

ក្នុងចំណោមខណ្ឌទាំង១២នៅរាជធានីភ្នំពេញ ខណ្ឌដែលមានគម្រោងលំនៅដ្ឋានច្រើនជាងគេគឺស្ថិតក្នុងខណ្ឌសែនសុខ ស្របពេលដែលខណ្ឌជ្រោយចង្វារក៏កំពុងមានការទាក់ទាញខ្លាំងណាស់ដែរ នេះបើយោងតាមរបាយការណ៍ ប្រចាំត្រីមាសទី ១ ចេញផ្សាយដោយក្រុមហ៊ុនអចលនទ្រព្យអន្តរជាតិ CBRE Cambodia កាលពីថ្ងៃទី ០៩ ខែ មេសា ឆ្នាំ ២០១៩ ។

ក្នុងចំណោមវិស័យទាំង៤ដែលក្រុមហ៊ុន CBRE Cambodia បានធ្វើការសិក្សា វិស័យដែលមានលំនៅដ្ឋានបូករួមទាំងដី (landed property) គឺបាននិងកំពុងក្លាយជាវិស័យសំខាន់មួយទៀត ដែលក្នុងនោះ របាយការណ៍នេះបានរកឃើញថា ខណ្ឌសែនសុខមានគម្រោងបុរីប្រមាណជាង ៤៥ គម្រោង ដែលនេះ គឺខ្ពស់ជាខណ្ឌផ្សេងៗទៀត។ ហើយខណ្ឌដែលមានគម្រោងបុរីតិចជាងគេគឺខណ្ឌទួលគោក ដោយខណ្ឌនេះ មានគម្រោងបុរី
តិចជាង៥ទៅទៀត នេះបើគិតត្រឹមត្រីមាសទី ១ នៃ ឆ្នាំ ២០១៩។

ក៏ប៉ុន្តែ សម្រាប់និន្នាការអភិវឌ្ឍន៍នាពេលអនាគតវិញ ក្រុមហ៊ុន CBRE Cambodia បានឲ្យដឹងថា ខណ្ឌជ្រោយចង្វារគឺបាននិងកំពុងមានការទាក់ទាញខ្លាំងជាងគេសម្រាប់ការអភិវឌ្ឍន៍បុរីកម្រិតមធ្យមនិងកម្រិតខ្ពស់។

ក្នុងនោះដែរ ក្នុងចំណោមប្រភេទបុរីទាំង៥ ប្រភេទ ដែលរួមមាន ផ្ទះល្វែង វិឡាកូនកាត់ (linkhouse) ផ្ទះដែលអាចបើកធ្វើអាជីវកម្មបាន (shophouse) វិឡាភ្លោះ និងវិឡាទោល បាននិងកំពុងក្លាយជាទីពេញនិយមសម្រាប់អ្នកអភិវឌ្ឍន៍។

តម្លៃជាមធ្យមសម្រាប់ ផ្ទះល្វែងគឺ ១០១,១៤៤ ដុល្លារអាមេរិក វិឡាកូនកាត់ ១០៨,៥០៥, ដុល្លារអាមេរិក ផ្ទះដែលអាចបើកធ្វើអាជីវកម្មបាន ២០២,៧៧៥ ដុល្លារអាមេរិក វិឡាភ្លោះ ២៦២,៤២២ ដុល្លារអាមេរិក និងវិឡាទោល ៧៨៩,៦២៩ ដុល្លារអាមេរិក។

• ចំណេះដឹង និង បទពិសោធន៍
• គម្រោងអភិវឌ្ឍន៍
• នគរូបនីយកម្ម និងស្ថាបត្យកម្ម
• ធុរកិច្ច និងទីផ្សារ
• ចំណេះដឹង និង បទពិសោធន៍
• គម្រោងអភិវឌ្ឍន៍
• ធុរកិច្ច និងទីផ្សារ