ខេត្តត្បូងឃ្មុំចេញបទបញ្ជាថ្មី ៤ចំណុច រឹតបន្ដឹងអាជីវកម្មពុះដីឡូតិ៍ និងការប្រើប្រាស់ដី

• 22 ខែ​កញ្ញា 2021
• ព័ត៌មានអចលនទ្រព្យ
• 14 មើល

រដ្ឋបាលខេត្តត្បូងឃ្មុំ បានដាក់ចេញបទបញ្ជាថ្មី ៤ ចំនុច រឹតបន្ដឹងអាជីវកម្មការពុះដីឡូតិ៍ ការដ្ឋានសាងសង់ ការបើកផ្លូវចូលគេហដ្ឋាន និងការចាក់បំពេញអាចម៍ដីនានាទូទាំងខេត្ត។

យោងតាមសេចក្តីជូនដំណឹងចុះថ្ងៃទី ២២ ខែកញ្ញា ឆ្នាំ២០២១ ការដាក់ចេញវិធានការនេះ ធ្វើឡើងក្រោយពេល រដ្ឋបាលខេត្តពិនិត្យឃើញថា ប្រជាពលរដ្ឋមួយចំនួន បានកំពុងប្រើប្រាស់ដី និងសាងសង់សំណង់នានា ផ្ទុយពីប្លង់គោល និងផែនការប្រើប្រាស់ដីឆ្នាំ២០១៤ របស់ខេត្តត្បូងឃ្មុំ។

ប្រភពដដែលបញ្ជាក់ថា វិធានការ ០៤ ចំណុច រួមមាន៖

-ត្រូវធ្វើការស្នើសុំលិខិតអនុញ្ញាតមករដ្ឋបាលខេត្ត រាល់ការសាងសង់ ការបើកផ្លូវ ការចាក់បំពេញអាចម៌ដី និងការពុះដីឡូត៍

-ត្រូវអនុវត្តតាមបទដ្ឋានបច្ចេកទេស ដែលមានចែងក្នុងប្លង់គោល ដោយកំណត់យក ប្រវែង៥.៥០ម៉ែត្រ និងត្រូវចាក់ទ្រនាប់ស៊ីម៉ង់ទ្រាប់បាត រាល់ការបើកផ្លូវការូ៉ឡា ដើម្បីបង្កើនភាពរឹងមាំ

-ហាមដាច់ខាតមិនឱ្យកែប្រែប្រភេទដី ដូចជាការជីកយកដី ចាក់បំពេញដី និងការបែងចែកពុះដីឡូត៍លក់ ដោយមិនមានការចុះពិនិត្យ និងអនុញ្ញាតពីរដ្ឋបាលខេត្តជាមុន

-ក្នុងករណីមិនគោរពតាមការណែនាំខាងលើ រដ្ឋបាលខេត្ត នឹងចាត់វិធានការតាមផ្លូវច្បាប់ និងមិនទទួលខុសត្រូវរាល់ការខាតបាត់បង់។

• ច្បាប់ និងបញ្ញាត្តិ
• សេចក្តីជូនដំណឹង និង វិធានការណ៍
• ច្បាប់ និងបញ្ញាត្តិ