គម្រោងលំនៅដ្ឋានដ៏ប្រណីត MekongView 6 ត្រៀមបញ្ចប់ក្នុងឆ្នាំ ២០១៩

• Me Wathana
• 1 ខែ​កុម្ភៈ 2019
• Uncategorized
• 184 មើល

គម្រោងលំនៅដ្ឋានដ៏ប្រណីត MekongView 6 ត្រៀមបញ្ចប់ក្នុងឆ្នាំ ២០១៩ដែលនេះគឺនឹងបន្ថែមចំនួនលំនៅដ្ឋានប្រមាណជាង ៣០០ យូនីតទៅក្នុងទីផ្សារ នេះបើយោងតាមការឲ្យដឹងពីក្រុមហ៊ុន។

តំណាងផ្នែកលក់របស់ក្រុមហ៊ុន MekongView បានឲ្យដឹងថាគម្រោងនៅចំកណ្តាលទីតាំងសក្តានុពលនៃតំបន់ជ្រោយចង្វារមានដែលមានកម្ពស់២៣ជាន់នេះគឺគ្រោងនឹងបញ្ចប់នៅខែកក្កដាឆ្នាំ ២០១៩ ខាងមុខនេះ ។

នៅថ្ងៃទី ១ ខែកុម្ភៈ ឆ្នាំ ២០១៩ តំណាងផ្នែកលក់ខាងលើបានប្រាប់ទស្សនាវដ្តីសំណង់និងអចលនទ្រព្យយើងខ្ញុំថា ការសាងសង់គម្រោងដែលមាន ៣៤២ យូនីតនេះ គឺជិតបញ្ចប់ ១០០ ភាគរយហើយ ដែលក្នុងនោះ កញ្ញាបានបញ្ជាក់ថា បច្ចុប្បន្ននេះក្រុមការងារសាងសង់កំពុងបង្ហើយការងារមួយចំនួនដូចជារៀបការ៉ូជាដើម មុននឹងប្រគល់ទៅឱ្យអតិថិជនរបស់ខ្លួន។

ជាមួយនឹងការអះអាងថាគម្រោងនេះនឹងផ្តល់ការចំណេញពីការវិនិយោគយ៉ាងច្រើនសម្រាប់វិនិយោគិន ក្រុមហ៊ុនបានឲ្យដឹងថាបច្ចុប្បន្នមានយូនីតដែលនៅសល់សម្រាប់លក់។ វិនិយោគិនអាចវិនិយោគទៅលើអចលនទ្រព្យនៃគម្រោងនេះដែលវានឹងផ្តល់ភាពងាយស្រួលដល់ការដាក់ជួលត្រឡប់ទៅវិញដោយសារគម្រោងនេះគឺស្ថិតនៅមិនឆ្ងាយពីទីប្រជុំជនភ្នំពេញហើយជាពិសេសគម្រោងនេះ មានទេសភាពស្រស់ស្អាតអមធដោយធម្មជាតិជុំវិញ។

គម្រោង MekongView 6 គឺស្ថិតក្នុងចំណោមគម្រោងដទៃទៀតរបស់ក្រុមហ៊ុនដូចជា MekongView1 គម្រោងMekongView2 និងគម្រោង MekongView3 ។