គម្រោង The Penthouse Residence បានបញ្ចប់គ្រោងសំណង់អាគារជាស្ថាពរ

• 31 ខែ​មីនា 2018
• ព័ត៌មានអចលនទ្រព្យ
• 9 មើល

កាលពីថ្ងៃទី ២៩ ខែមីនានេះ ក្រុមការងារនិងវិស្វកម្មនៃគម្រោង The Penthouse Residence បានប្រកាស បញ្ចប់ការសាងសង់គ្រោងសំណង់អាគារនិងកំណត់កាលបរិច្ឆេទបញ្ចប់គម្រោងទាំងមូលនៅចុងឆ្នាំ ២០១៨ ខាងមុខនេះ។

គម្រោង The Penthouse Residence មានទីតាំងស្ថិតនៅក្នុងបេះដូងនៃរាជធានីភ្នំពេញតាមបណ្ដោយមហាវិថីសុធារសទល់មុខសណ្ឋាគារ Sofitel Phokeethra និង ផ្សារទំនើបអ៊ីអន។ ជាមួយនឹងតម្លៃវិនិយោគជាង ៣០ លានដុល្លារអាមេរិក គម្រោងនេះមានកំពស់ ៣៦ ជាន់មានសរុប ៤៥៨ យូនីតនិងបែងចែកចេញជាប្រាំប្រភេទដោយយូនិតនីមួយៗមានតម្លៃ ចាប់ពី១០ ម៉ឺនដុល្លារ រហូតដល់១លានដុល្លារ ។

“តាំងពីចាប់ផ្តើមសាងសង់កាលពីឆ្នាំ ២០១៦ ឃើញថាគម្រោងនេះទទូលបានការចាប់អារម្មណ៍ពីសំណាក់អ្នកទិញយ៉ាងខ្លាំងដែលបច្ចុប្បន្នបានលក់អស់ជាង ៧០ ភាគរយទៅហើយ ដោយក្នុងនោះដែរ ក៏មានអតិថិជនខ្មែរប្រមាណ ៥០ភាគរយ និងបរទេស៥០ភាគរយ” នេះបើយោងតាមប្រសាសន៍របស់លោកឧកញ៉ា លី ហុង ដែលជាម្ចាស់គម្រោង The Penthouse Residence នេះ។

“មូលហេតុដែលធ្វើអោយមានអតិថិជនជាច្រើនចាប់អារម្មណ៍លើគម្រោងនេះ គឺដោយសារតែទីតាំងនិងការរចនាដ៏ប្រណិត រួមជាមួយនឹងបរិក្ខារផ្សេងៗទៀតដែលសមស្របទៅនឹងការរស់នៅបែបទំនើបដូចជាអាងហែលទឹកកន្លែងហាត់ប្រាណក្លឹបរាត្រីនិងភោជនីយដ្ឋានដ៏ស្រស់ស្អាតជាដើម។ សំខាន់ជាងនេះទៅទៀត គម្រោងនេះតម្លៃគឺសមរម្យ” លោកឧកញ៉ាបានបន្ត ។

ដើម្បីឆ្លើយតបទៅនឹងតម្រូវការរបស់អតិថិជនដែលនិយមចូលចិត្តរស់ នៅលំនៅឋានតាមបែបទំនើប និងស៊ីវិល័យនាពេលបច្ចុប្បន្នលោកឧកញ៉ា លី ហុង ក៏បានឱ្យដឹងថា លោកកំពុងតែស្វែងរកទីតាំងដែលមានសក្ដានុពលថ្មីមួយទៀតនៅរាជធានីភ្នំពេញដើម្បីវិនិយោគលើគម្រោងបន្ត។

ទាក់ទងនឹងទំនោរនៃការរស់នៅបែបទំនើបនិងស៊ីវិល័យនេះ កាលពីថ្មីៗនេះអ្នកជំនាញអចលនទ្រព្យបានព្យាករណ៍ថាប្រជាជនខ្មែរនឹងប្តូររសនិយមមករស់នៅខុនដូច្រើនជាងមុននាពេលអនាគត។ តើដោយសារមួលហេតុអ្វី?

• គម្រោងអភិវឌ្ឍន៍
• គម្រោងអភិវឌ្ឍន៍