ចិនគ្រោងនឹងសាងសង់ផ្លូវរថភ្លើងដឹកទំនិញខ្នាតធំបំផុតតម្លៃ ៩៤០ លានដុល្លារអាមេរិក នៅប្រទេសហ្វីលីពីន

• 25 ខែ​កុម្ភៈ 2021
• ព័ត៌មានសំណង់
• 9 មើល

រដ្ឋាភិបាលនៃប្រទេសហ្វីលីពីន កាលពីថ្មីៗនេះ បានចុះអនុសារណៈជាមួយសាធារណៈរដ្ឋប្រជាមានិតចិន ក្នុងការកសាងផ្លូវរថភ្លើងដឹកទំនិញខ្នាតធំមួយខ្សែ នៅកោះលូហ្សុននៃប្រទេសប្រទេសហ្វីលីពីន។

គម្រោងរថភ្លើងដឹកទំនិញ Subic-Clark មួយខ្សែនេះ គ្រោងចំណាយថវិកាប្រមាណ ៩៤០ លានដុល្លារអាមេរិកក្នុងការសាងសង ប៉ុន្តែប្រទេសទាំង២ នៅមិនទាន់សម្រេចលើកិច្ចចរចារលើហិរញ្ញប្បទាននោះទេ។

បើគម្រោងមួយនេះត្រូវបានអនុម័តឱ្យសាងសង់ពិតមែន វានឹងក្លាយគម្រោងដ៏ធំ និងថ្លៃបំផុតដែលធ្វើឡើងក្រោមការសហការរបស់ប្រទេសទាំង ២។

ផ្លូវរថភ្លើងដឹកទំនិញមួយខ្សែនេះ នឹងមានប្រវែង ៧១ គីឡូម៉ែត្រ ដែលនឹងតភ្ជាប់តំបន់ស៊ូប៊ែរប៊្រីកផត ទៅនិងព្រលានយន្តហោះអន្តរជាតិក្លាក នៅជំហានដំបូង ដោយនឹងត្រូវពង្រីកទៅដល់តំបន់សេដ្ឋកិច្ចពិសេសញូក្លាកស៊ីធី នៅជំហានបន្ទាប់។

បើយោងតាមផែនការ ជំហានទី១ នឹងត្រូវចំណាយពេលសាងសង់រយៈប្រមាណ ៤២ ខែ។

ក្រោយបញ្ចប់ការសាងសង់ ផ្លូវដែកមួយខ្សែនេះសង្ឃឹមថានឹងជួយធ្វើឱ្យប្រសើរឡើងនូវប្រសិទ្ធភាពដឹកជញ្ចូន កាត់បន្ថយថ្លៃដើមនៃការដឹកជញ្ជូន ក៏ដូចជាជំរុញសកម្មភាពសេដ្ឋកិច្ចនៅក្នុងតំបន់ផងដែរ។

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍