ជប៉ុនបោះទុន ៧០លានដុល្លារវិនិយោគលលើលំនៅដ្ឋានតម្លៃសមរម្យ

• Proeksa Meas
• 6 ខែ​វិច្ឆិកា 2017
• Uncategorized
• 251 មើល

ភ្នំពេញ៖ ក្រុមហ៊ុន Arakawa Co, ដែលមានមូលដ្ឋាននៅប្រទេសជប៉ុន នឹងបោះទុនវិនិយោគ ៧០ លានដុល្លាអាមេរិក លើលំនៅដ្ឋានតម្លៃសមរម្យ ដែលមានផ្ទៃដីទំហំ ១៣,៦៨០ ម៉ែត្រក្រឡា​ ស្ថិតនៅភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។

គម្រោង​អភិវឌ្ឍន៍លំនៅដ្ឋានតម្លៃសមរម្យនេះ​ បានប្រកាសបើកសម្ពោធការដ្ឋានសាងសង់នៅថ្ងៃទី ៨ ខែវិច្ឆិកា​ខាងមុខនេះ​ ក្រោមអធិបតីភាព ឯកឧត្តម​ ជា សុផារ៉ា​ រដ្ឋមន្រ្តីក្រសួងរៀបចំដែនដី នរគរូបនីយកម្ម និងសំណង់។

លំ​នៅដ្ឋានអភិវឌ្ឍន៍នេះ នឹងត្រូវសាងសង់ជាពីរដំណាក់កាល ដោយដំណាក់ដំបូង​ ក្រុមហ៊ុន Arakawa នឹងសាងសង់អគារស្នាក់នៅរួមចំនួន ១០​អគារ ចែកជា៥ ប្លុក ដោយក្នុង១ ប្លុក មាន២ អគារ និងមានកម្ពស់ពី ១៩ ជាន់ទៅ ២៣ ជាន់ មានបន្ទប់ស្នាក់នៅសរុបប្រមាណ​ ២.០០០​ បន្ទប់។

គួររំលឹកថា ក្រុមហ៊ុនអភិវឌ្ឍន៍ជប៉ុន Arakawa ទទួលបានសិទិ្ធអភិវឌ្ឍន៍អគារកម្ពស់ ២១ ជាន់​ ក្នុងតម្លៃ ប្រមាណចន្លោះពី ៧០ ទៅ៨០​ លានដុល្លារអាមេរិក លើទីតាំងអគារ ប៊ូ​ឌីញ ស ដែលទើបត្រូវបានវាយរលំហើយកាលពីពេលថ្មីៗនេះ។