ជប៉ុន ចង់វិនិយោគបង្កើតរោងចក្រច្នៃផលិតផលកសិកម្មលើដី ១០០០ហិចតា នៅឧត្តរមានជ័យ

• 26 ខែ​មករា 2022
• Uncategorized
• 4 មើល

ក្រុមហ៊ុនជប៉ុន YEBISS HOLDINGS គ្រោងនឹងវិនិយោគបង្កើតរោងចក្រកែច្នៃគ្រាប់ស្វាយចន្ទី លើផ្ទៃដីទំហំ១០០០ហិកតា ក្នុងខេត្តឧត្តរមានជ័យ សម្រាប់នាំចេញទៅកាន់ទីផ្សារជប៉ុន និងទីផ្សារអន្តរជាតិ។

នេះបើយោងតាមជំនួបសម្តែងការគួសម រវាងឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងលោក Akira Taniguchi នាយកក្រុមហ៊ុន YEBISS HOLDINGS កាលថ្ងៃទី២៥ ខែមករា ឆ្នាំ២០២២។

លោក Akira Taniguch ថា ការវិនិយោគនេះមានគោលបំណងសំខាន់ដូចជា បង្កើតរោងចក្រកែច្នៃគ្រាប់ស្វាយចន្ទី និងកែច្នៃសំបកគ្រាប់ស្វាយចន្ទីជាប្រេង ដើម្បីយកទៅកែច្នៃធ្វើជាសម្ភារប្រើប្រាស់ដូចជាកំប៉ុង ថង់ កែវ ទុយូ ប្រអប់ ជាដើម។

ជាការឆ្លើយតប ឯកឧត្តម វេង សាខុន ក៏បានគាំទ្រ ចំពោះការវិនិយោគរបស់ក្រុមហ៊ុន ដោយជឿជាក់ថាគម្រោងនឹងបង្កើតពហុប្រយោជន៍ដល់កសិករ សហគមន៍ និងសេដ្ឋកិច្ចគ្រួសារ។

ឯកឧត្តមរដ្ឋមន្ត្រី ក៏បានផ្តល់យោបល់ឱ្យទិញវត្ថុធាតុដើម(សំបក) ពីប្រជាកសិករ សហគមន៍ និងក្រុមហ៊ុនក្នុងស្រុក ពិសេសជួយប្រើកំលាំងពលករក្នុងស្រុក។

• គម្រោងអភិវឌ្ឍន៍
• ការវិនិយោគ និងមូលធន
• Investment and Funding
• Projects Development
• គម្រោងអភិវឌ្ឍន៍
• Economy and Finance
• ការវិនិយោគ និងមូលធន