តំបន់ឆ្នេរក្នុងប្រទេសអាស៊ានកំពុងទាក់ទាញចំណាប់អារម្មណ៍ពីវិនិយោគិនបរទេស

• 8 ខែ​ឧសភា 2018
• ព័ត៌មានអចលនទ្រព្យ
• 8 មើល

ខណៈពេលដែលទីផ្សារនៅអាស៊ានមានការរីកចំរើនយ៉ាងខ្លាំងផ្នែកអចលនទ្រព្យ ដោយសារមានការកើនឡើងនូវការវិនិយោគដោយផ្ទាល់ពីបរទេសនោះ អ្នកទិញអចលនទ្រព្យកំពុងសម្លឹងមើលទីក្រុងធំៗដែលពីមុនជាតំបន់ឆ្នេរសមុទ្រដែលមិនទាន់មានការអភិវឌ្ឍ។

ទីក្រុងឆ្នេរសមុទ្រនៃខេត្តព្រះសីហនុ ប្រទេសកម្ពុជា និងទីក្រុងដាណាង ប្រទេសវៀតណាមកំពុងទទួលបានចំណាប់អារម្មណ៍កាន់តែច្រើនឡើង ជាពិសេសពីវិនិយោគិនចិន ខណៈពេលដែលហេដ្ឋារចនាសម្ព័ន្ធមានភាពប្រសើរឡើង ហើយទីផ្សារសេដ្ឋកិច្ច និងទេសចរណ៍នៃប្រទេសទាំងពីរកំពុងរីកចម្រើនយ៉ាងឆាប់រហ័ស ស្របពេលដែលទីផ្សារអចលនទ្រព្យក្នុងរាជធានីកំពុងធ្លាក់ចុះ។

ទីក្រុងដាណាង ប្រទេសវៀតណាម មានកំណើនសេដ្ឋកិច្ចគួរឲ្យចាប់អារម្មណ៍ដោយមានខុនដូនិងវីឡាថ្មីៗ និងមានឧស្សាហកម្មទេសចរណ៍ដ៏រឹងមាំដោយមានភ្ញៀវទេសចរណ៍ ១,៧ប៊ីលាននាក់ក្នុងរយៈពេល៩ខែដំបូងក្នុងឆ្នាំនេះ ពោលគឺកើនឡើង ៤៩% បើធៀបនឹងរយៈពេលដូចគ្នាកាលពីឆ្នាំមុន។

នៅកម្ពុជា «តម្លៃដីធ្លីនៅក្រុងព្រះសីហនុបានឡើងថ្លៃយ៉ាងឆាប់រហ័សក្នុងអំឡុងពេល ១២ខែកន្លងមកនេះ ហើយក្នុងប៉ុន្មានឆ្នាំថ្មីៗនេះ តម្លៃវិនិយោគបានកើនឡើងដល់ ៣១០លានដុល្លារ» នេះបើយោងតាមការត្រួតពិនិត្យពាក់កណ្តាលឆ្នាំរបស់ CBRE កម្ពុជា។

ស្របពេលជាមួយគ្នា នៅក្នុងប្រទេសមីយ៉ាន់ម៉ា ការចូលទៅកាន់តំបន់ឆ្នេរសមុទ្រដែលមិនទាន់មានការអភិវឌ្ឍប្រវែង ២.០០០គីឡូម៉ែត្រ របស់ប្រទេស និងកង្វះហេដ្ឋារចនាសម្ព័ន្ធជាមូលដ្ឋានដែលចាំបាច់ដើម្បីចាប់ផ្តើមការរីកចំរើននៃវិស័យទេសចរណ៍នៅតែជាឧបសគ្គចម្បងក្នុងការទាក់ទាញការវិនិយោគ។

• គម្រោងអភិវឌ្ឍន៍
• គម្រោងអភិវឌ្ឍន៍