តំបន់សេដ្ឋកិច្ចតម្លៃ៦៦ លានដុល្លារ លើផ្លូវជាតិ៤៤ ខេត្តកំពង់ស្ពឺ កំពុងបង្ហាញខ្លួនបណ្ដើរៗហើយ

• 31 ខែ​កក្កដា 2020
• Uncategorized
• 16 មើល

ក្រុមហ៊ុនចិន បោះទុនប្រមាណ ៦៦ លានដុល្លារ សាងសង់តំបន់សេដ្ឋកិច្ចពិសេសមួយកន្លែងលើផ្ទៃដីជាង ៦៧ ហិចតាតាមបណ្ដោយផ្លូវជាតិ៤៤ ខេត្តកំពង់ស្ពឺ ។ នេះបើយោងតាម អភិបាលខេត្តកំពង់ស្ពឺ ឯកឧត្តម វ៉ី សំណាង។

ឯកឧត្តម វ៉ី សំណាង បានប្រាប់ទស្សនាវដ្ដីសំណង់ និងអចលនទ្រព្យកាលពីថ្ងៃទី ៣១ កក្កដា នេះថា៖ «គម្រោងនេះគឺការវិនិយោគដោយក្រុមហ៊ុនចិន បច្ចុប្បន្នកំពុងសាងសង់បណ្ដើរៗ ដោយសម្រេចបានប្រមាណ ៤ ឬ ៥ អគារហើយ»។

ឯកឧត្តមបន្តថា៖ «ក្រោយបញ្ចប់ការសាងសង់ តំបន់សេដ្ឋកិច្ចពិសេសនេះ នឹងមានរោងចក្រចំនួន ២០ នៅក្នុងហ្នឹង។ រោងចក្រទាំងអស់នេះ គឺផលិតដូចជាគ្រឿងបង្គុំអេឡិចត្រូនិច ដំឡើងរថយន្ត ធ្វើខ្សែភ្លើង និងធ្វើអាគុយជាដើម»។

ប្រភពដដែល បានឱ្យដឹងថា គម្រោងតំបន់សេដ្ឋកិច្ចពិសេសនេះ នឹងជួយបង្កើតការងារដល់ប្រជាជនក្នុងតំបន់ដល់ទៅ ១១០០០ នាក់។

គួរបញ្ជាក់ផងដែរថា ខេត្តកំពង់ស្ពីជាខេត្តដែលមានសក្ដានុពលមួយ ដោយគិតមកទល់បច្ចុប្បន្នខេត្តនេះ បានស្រូបយកគម្រោងវិនិយោគទុនធំៗ ជាច្រើនរាប់រយគម្រោង ជាមួយនឹងទុនវិនិយោគជាង ២០០លានដុល្លារ។ (អានបន្ថែម)

ជាមួយនេះគ្នាដែរ អភិបាលខេត្តកំពង់ស្ពឺ កាលពីថ្មីៗនេះ ក៏បានបង្ហើបថាក្រុមហ៊ុនវិនិយោគនៅហុងកុង ក៏គ្រោងនឹងមកបង្កើតទីក្រុងរណប នៅខេត្តកំពង់ស្ពឺផងដែរ។ (អានបន្ថែម)

• គម្រោងអភិវឌ្ឍន៍
• ការវិនិយោគ និងមូលធន
• Investment and Funding
• Projects Development
• គម្រោងអភិវឌ្ឍន៍
• ការវិនិយោគ និងមូលធន