ត្រីមាសទី២-២០២២ ចំនួនការិយាល័យ និងផ្សារលក់រាយមានការកើនឡើង ខណៈអត្រាជួលធ្លាក់ចុះខ្លាំង

• 25 ខែ​កក្កដា 2022
• ព័ត៌មានអចលនទ្រព្យ
• 7 មើល

គិតត្រឹមត្រីមាសទី២ ឆ្នាំ២០២២ នេះ ចំនួនការិយាល័យ និងផ្សារលក់រាយ មានការកើនឡើងគួរឱ្យកត់សម្គាល់ ដោយឡែក​អត្រា​​​តម្លៃជួលនៅបន្តធ្លាក់ចុះ បើធៀបទៅនឹងត្រីមាសទី១ឆ្នាំដដែល។ នេះបើតាមរបាយការណ៍របស់ CBRE Cambodia ចុះផ្សាយ​កាល​ពីថ្ងៃទី០៧ ខែកក្កដា ឆ្នាំ២០២២។

ក្នុងត្រីមាសទី២នេះ ចំនួនបន្ទប់ការិយាល័យ​ បានកើនឡើងប្រមាណ ៦៦,៩% នៃចំនួនសរុប ៤០០០០ ម៉ែត្រក្រឡា ដែល​រំពឹង​ថានឹងសាងសង់រួចរាល់ក្នុងឆ្នាំ២០២២នេះ។

សម្រាប់អត្រាជួលការិយាល័យវិញ មានការធ្លាក់ចុះ -៨,៧%, -៣,១% រៀងគ្នាចំពោះការិយាល័យប្រភេទ B (NCBD) និងប្រភេទ C (NCBD) តែការិយាល័យប្រភេទ A ប្រភេទ B (CBD) និងប្រភេទ C (CBD) ស្ថិតក្នុងអត្រាថេរ ០.០% បើធៀបទៅនឹងត្រីមាសទី១។

ដោយឡែកចំនួនផ្សារលក់រាយ ត្រូវបានគេមើលឃើញថាកើនឡើងចំនួន ៦៨,៤% ដែលនៅសល់ប្រមាណជាង ១៩០០០០ ម៉ែត្រក្រឡានៃការផ្គត់ផ្គង់ រំពឹងថានឹងសម្រេចបានត្រឹម ឆ្នាំ២០២២ នេះផងដែរ។

រីឯអត្រាជួលវិញ មានការធ្លាក់ចុះចំនួន -១,៤% -៤,៨% និង -១,៦% រៀងគ្នាចំពោះផ្សារប្រភេទ Prime Shopping Mall, Prime Retail Podium និងCommunity Mall តែប្រភេទផ្សារ Prime High Street នៅរក្សាបាននូវតម្លៃជួលថេរ ០,០% បើធៀបនឹងត្រីមាសទី១។

ក្នុងត្រីមាសទី២នេះ ប្រភេទផ្សារ Community Mall មានការសន្ទុះឡើង ដែលថ្មីៗនេះផ្សារជីបម៉ុង៥៩៨ ក្នុងខណ្ឌឬស្សីកែវ បានសាង​សង់​រួចរាល់​ជាស្ថាពរហើយ។

 

• អត្ថបទវិភាគ
• អត្ថបទវិភាគ