ត្រឹមឆ្នាំ២០២១ កម្ពុជាមានរោងចក្រដំឡើងនិងគ្រឿងបង្គុំរថយន្តសរុប ៩កន្លែងទូទាំងប្រទេស

16 ខែកញ្ញា 2021
Uncategorized
11 មើល

កម្ពុជាមានរោងចក្រដំឡើងរថយន្ត និងរោងចក្រគ្រឿងបង្គុំរថយន្តសរុបចំនួន ៩កន្លែង ទូទាំងប្រទេស ដែលបានចុះបញ្ជីផ្លូវការ បើគិតត្រឹមឆ្នាំ២០២១នេះ។ នេះបើយោងតាមទិន្នន័យពីក្រសួងឧស្សាហកម្ម វិទ្យាសាស្រ្ត បច្ចេកទេស និងនវានុវត្តន៍។

រោងចក្រដំឡើងរថយន្ត និងគ្រឿងបង្គុំរថយន្តទាំងនេះ គឺជាការវិនិយោគមកពីប្រទេស ជប៉ុន ចិន ថៃ កូរ៉េខាងត្បូង រួមនឹងក្រុមហ៊ុនក្នុងស្រុកមួយចំនួន ក្រោមទុនវិនិយោគសរុបជាង ៦១លានដុល្លារ។

ក្នុងចំណោមក្រុមហ៊ុនចំនួន ៩ មានរោងចក្រ ២ គឺជារោងចក្រដំឡើងរថយន្ត ដែលមានទីតាំងនៅខេត្តស្វាយរៀង និងភ្នំពេញ ក្រោមទុនវិនិយោគសរុប ២០លានដុល្លារ។ ដោយឡែក រោងចក្រ ៧ផ្សេងទៀត គឺជារោងចក្រផលិតគ្រឿងបង្គុំរថយន្ត ដែលទុនវិនិយោគសរុប ៤១លានដុល្លារ។ ៤ នៃរោងចក្រទាំងនេះ ស្ថិតនៅក្រុងប៉ោយប៉ែត ខេត្តបន្ទាយមានជ័យ ខណៈ ៣ទៀត ស្ថិតនៅក្រុងព្រះសីហនុ ស្វាយរៀង និងភ្នំពេញ។

ផលិតផលគ្រឿងបង្គុំរថយន្តទាំងអស់ ត្រូវបាននាំចេញទាំងស្រុងទៅក្រៅប្រទេស។

គួរបញ្ជាក់ថា កាលពីពេលថ្មីៗនេះ រដ្ឋាភិបាលក៏ទើបអនុម័តឱ្យក្រុមហ៊ុន RMA (Cambodia) Plc ដែលជាក្រុមហ៊ុនចែកចាយរថយន្ត ម៉ាក Ford នៅកម្ពុជា វិនិយោគ២១ លានដុល្លារ បង្កើតរោងចក្រដំឡើងរថយន្ត Ford ថ្មីមួយ នៅខេត្តពោធិ៍សាត់។ (អានបន្ថែម)

- Video Advertisement -