ថវិកាចំនួន ៣.៥លានដុល្លារត្រូវបានចំណាយលើហេដ្ឋារចនាសម្ព័ន្ធរាជធានី

• Proeksa Meas
• 15 ខែ​មករា 2018
• Uncategorized
• 258 មើល

រាជរដ្ឋាភិបាលបានប្រកាសថា ខ្លួនបានចំណាយថវិកាចំនួន ៣.៤លានដុល្លារទៅលើហេដ្ឋារចនាសម្ព័ន្ធនៅក្នុងរាជធានីក្នុងរយៈពេលប្រាំពីរខែដំបូងនៃឆ្នាំ២០១៧ ដោយមិនរាប់បញ្ចូលការងារធ្វើឲ្យប្រសើរឡើងនូវប្រព័ន្ធលូទឹក ការថែទាំស្ពាន និងការជួសជុលអាគារក្រុង។

អ្នកនាំពាក្យរបស់សាលារាជធានីលោក មេត មាសភក្តី បានប្រាប់ភ្នំពេញប៉ុស្តិ៍ថា ការងារកែលម្អរាជធានីត្រូវបានបញ្ចូលទៅក្នុងថវិកាប្រចាំឆ្នាំរបស់សាលារាជធានីភ្នំពេញ។

ទោះបីជារាជរដ្ឋាភិបាលបានខិតខំធ្វើការងារលើការធ្វើឲ្យប្រសើរឡើងតំបន់នៅជុំវិញវត្តភ្នំ ព្រះបរមរាជវាំង ការកែលម្អផ្លូវដើរតាមមាត់ទន្លេ និងការកែលម្អផ្លូវថ្នល់ក៏ដោយ ទីក្រុងនៅតែខ្វះការអភិវឌ្ឍតំបន់បៃតង។

ប្រតិបត្តិករទេសចរណ៍និងអ្នករៀបចំផែនការទីក្រុងបន្តអំពាវនាវឲ្យរដ្ឋាភិបាលគ្រប់គ្រងល្បឿននៃការអភិវឌ្ឍទីក្រុងដើម្បីបញ្ចូលតំបន់បៃតងឲ្យច្រើនឡើងសម្រាប់ជាប្រយោជន៍ដល់សុខភាពរបស់ប្រជាពលរដ្ឋ។