ទុនវិនិយោគបរទេសបាននិងកំពុងជំរុញទីផ្សារអចលនទ្រព្យនៅវៀតណាមយ៉ាងខ្លាំង

• 3 ខែ​មករា 2019
• ព័ត៌មានអចលនទ្រព្យ
• 8 មើល

ប្រតិបត្តិការលក់ធំៗក្នុងឆ្នាំ២០១៨ពីទីផ្សារអចលនទ្រព្យលំនៅដ្ឋានដែលកំពុងមានការរីកចម្រើននៅប្រទេសវៀតណាមនោះគឺភាគច្រើនធ្វើ់ឡើងដោយវិនិយោគិនបរទេស នេះបើយោងតាមក្រុមហ៊ុនអន្តរជាតិផ្នែកអចលនទ្រព្យ CBRE។

នៅក្នុងបទសម្ភាសន៍មួយជាមួយប្រព័ន្ធផ្សព្វផ្សាយក្នុងស្រុកវៀតណាម mediaVNA លោក Vikram Kohli នាយកប្រចាំតំបន់អាស៊ីអាគ្នេយ៍របស់ CBRE បានពន្យល់ឲ្យដឹងថា ៥០ ភាគរយនៃកិច្ចព្រមព្រៀងលក់លំនៅដ្ឋានទាំងអស់ នៅវៀតណាមក្នុងឆ្នាំ២០១៨គឺបានមកពីវិនិយោគិនអាស៊ី។

វិនិយោគិនសិង្ហបុរី ហុងកុង និងតៃវ៉ាន់គឺជាអ្នកទិញអចលនទ្រព្យ អាផាតមិនមានសេវាកម្មថែទាំ (service apartment) និងខុនដូ ច្រើនជាងគេក្នុងអត្រារហូតដល់ទៅ ៧៥ ភាគរយនៃទីផ្សារទិញហើយដាក់ជួល។

លោក Kohli ក៏បានចង្អុលបង្ហាញផងដែរថានិន្នាការនេះគឺកើតឡើងដោយសារការកើនឡើងនៃតម្លៃអចលនទ្រព្យរហូតដល់ទៅ ១៥ ភាគរយក្នុងទីក្រុងហូជីមិញចាប់តាំងពីឆ្នាំ ២០១៦ មក នៅប្រទេសមួយដែលមានកំណើនសេដ្ឋកិច្ច ៦,៨ ភាគរយក្នុងមួយឆ្នាំៗ។

អ្នកវិនិយោគទុនបរទេសមិនមែនគ្រាន់តែចូលមកវៀតណាមដើម្បីបង្កើតប្រតិបត្តិការប៉ុណ្ណោះទេប៉ុន្តែពួកគេថែមទាំងបានប្តេជ្ញារក្សាទុនរបស់ពួកគេនៅទីនេះទៀតពោលគឺពួកគេមានបំណងនៅទីនេះសម្រាប់រយៈពេលវែង លោក Kohli យល់ដូច្នេះ ។

• អត្ថបទវិភាគ
• ធុរកិច្ច និងទីផ្សារ
• អត្ថបទវិភាគ
• ធុរកិច្ច និងទីផ្សារ