ធនាគារអភិវឌ្ឍន៍អាស៊ី ADB ផ្តល់កម្ចី ៧០លានដុល្លារសម្រាប់ហេដ្ឋារចនាសម្ព័ន្ធដឹកជញ្ជូន

• Proeksa Meas
• 10 ខែ​វិច្ឆិកា 2017
• Uncategorized
• 149 មើល

ធនាគារអភិវឌ្ឍន៍អាស៊ី (ADB) បានប្រកាសកាលពីខែតុលាថា ខ្លួននឹងផ្តល់កម្ចីដល់រដ្ឋាភិបាលកម្ពុជាចំនួន ៧០លានដុល្លារដើម្បីជួយអភិវឌ្ឍន៍ហេដ្ឋារចនាសម្ព័ន្ធដឹកជញ្ជូននៅក្នុងព្រះរាជាណាចក្រកម្ពុជា។

កម្ចីនេះជាផ្នែកមួយនៃកម្មវិធីច្រកសេដ្ឋកិច្ចភាគខាងត្បូងនៃមហាអនុតំបន់មេគង្គដែលគាំទ្រដោយធនាគារអភិវឌ្ឍន៍អាស៊ី ដែលមានបំណងភ្ជាប់ទីក្រុងហូជីមិញ ទីក្រុងភ្នំពេញ និងទីក្រុងបាងកក ហើយកម្ចីនេះនឹងត្រូវប្រើប្រាស់ដើម្បីកែលម្អផ្លូវជាតិនៅខេត្តព្រៃវែង សៀមរាប និងស្វាយរៀង។

ផ្លូវថ្នល់ប្រវែង ១៤៧គីឡូម៉ែត្រដែលស្ថិតនៅក្នុងខេត្តទាំងនេះ ត្រូវបានកំណត់ថាត្រូវការការកែកម្អឲ្យប្រសើរឡើង ដើម្បីលើកកម្ពស់សុវត្ថិភាព និងកាត់បន្ថយទឹកជំនន់។