ប្រទេសចិនគិតពីការបង្កើត Global Power Grid សម្រាប់ឆ្នាំ 2050

• Proeksa Meas
• 4 ខែ​តុលា 2016
• Uncategorized
• 141 មើល

ប្រទេសចិនបានប្រកាសពីគម្រោងក្នុងការបង្កើតបណ្តាញ ថាមពលសកល ដែលនឹងអាចត្រូវបាន ប្រតិបត្តិការនៅឆ្នាំ ២០៥០ ដោយចំណាយទឹកប្រាក់ ៥០ ទ្រីលានដុល្លារ។

ការប្រកាសនេះត្រូវបានធ្វើឡើងនៅក្នុងសុន្ទរកថា នាពេល ថ្មីៗនេះ ដោយប្រធាន State Grid Corporation នៃក្រុមហ៊ុន Global Energy Interconnection (GEI) ដែលនឹងផ្តល់នូវ ថាមពល សម្រាប់ភពផែនដីទាំងមូល តាមរយៈបណ្តាញថាមពល សកលដែលមាន កម្លាំងវ៉ុលខ្ពស់ខ្លាំង (UHV) នេះបើយោងតាមរបាយការណ៍នៅក្នុង Futurism ។

ផែនការនេះ នឹងទាញយកយុទ្ធសាស្រ្តនៃបណ្តាញ ថាមពលទាញចេញពីខ្យល់នៅ តំបន់ប៉ូលខាងជើង និងថាមពលពន្លឺព្រះអាទិត្យ នៅតំបន់អេក្វាទ័រ ។ គម្រោងដែលបានស្នើឡើងនេះ បានអះអាងថា អនាគតនៃការផលិត ថាមពលប្រកបដោយនិរន្តរភាព ត្រូវការឱ្យមានការឆ្លើយតប ជាសកល និងការ កកើតឡើងវិញយ៉ាងពិតប្រាកដ ។

ទឹកប្រាក់ ៥០ ទ្រីលានដុល្លារ គឺសម្រាប់ការចំណាយ ក្នុងការអភិវឌ្ឍបច្ចេកវិទ្យា សម្ភារ ឧស្សាហកម្ម និងរចនាសម្ព័ន្ធ ជាយុទ្ធសាស្រ្តផ្សេងៗ ដើម្បីអនុវត្ត គម្រោងមហិច្ឆតាជាសកលនេះ ជាបីដំណាក់កាល ។ យោងតាមរបាយការណ៍របស់ Futurism ប្រសិនបើការផលិតថាមពល កកើតឡើងវិញ កើនឡើង ក្នុងអត្រា ១២.៤ ភាគរយប្រចាំឆ្នាំ នៅទូទាំងពិភពលោក នោះនៅឆ្នាំ ២០៥០ ថាមពលកកើតឡើងវិញ អាចផ្ដល់ថាមពល ៨០ ភាគរយសម្រាប់ការប្រើប្រាស់សរុប។

គម្រោង GEI ផ្តោតទៅលើការផ្តល់ផលប្រយោជន៍ ដល់វិស័យថាមពលកកើតឡើងវិញ ដើម្បីឲ្យ ការផលិតថាមពលដោយ មិនប្រើប្រាស់ផូស៊ីលឥន្ធនៈ អាចកើតមាន យ៉ាងពិតប្រាក ។

• នគរូបនីយកម្ម និងស្ថាបត្យកម្ម
• Urbanization and Architect