ផ្នែកមួយនៃគម្រោងតារាសាគរតម្លៃរាប់ពាន់លានដុល្លារ បើកលក់ជាផ្លូវការហើយ

• 10 ខែ​តុលា 2020
• ព័ត៌មានអចលនទ្រព្យ
• 8 មើល

ទោះបីជាកំពុងមានរឿងចម្រូងចម្រាស់ជាមួយនឹងអាមេរិកក្ដី ផ្នែកមួយនៃគម្រោងតំបន់វិសម្សកាលតារាសាគរតម្លៃរាប់ពាន់លានដុល្លារនៅខេត្ដកោះកុង  Dara Sakor Stardeam Lake Tourism Town បានបើកលក់ជាផ្លូវការហើយ។

ពិធីសម្ពោធបើកលក់ជាផ្លូវការនេះ ប្រារព្ធទៅកាលពីថ្ងៃទី ៩ តុលា កន្លងមកនេះ ក្រោមអធិបតីភាពរបស់អភិបាលខេត្តកោះកុង លោកជំទាវ មិថុនា ភូថង និងតំណាងរបស់ក្រុមហ៊ុន Union Development Group (UDG)។

ក្នុងឱកាសនោះដែរ លោកជំទាវអភិបាលខេត្ត បានគូសបញ្ជាក់ថា គម្រោង Dara Sakor Stardeam Lake Tourism Town ជាសមិទ្ធផលដ៏ធំមួយរបស់ទីក្រុងតារាសាគរ និងជាសហគមន៍ភូមិគ្រឹះលក្ខណៈចម្រុះ ដែលបង្កើតឡើងដោយយកអេកូឡូស៊ីនៃមហាសមុទ្រ និងបឹងបៃតងជាកម្មវត្ថុ។

គួរបញ្ជាក់ផងដែរ គម្រោងតារាសាគរនេះ ជាប្រធានបទក្ដៅគគុកមួយ ដោយកាលពីថ្មីៗនេះ សហរដ្ឋអាមេរិកបានសម្រេចដាក់ទណ្ឌកម្មទៅលើក្រុមហ៊ុន UDG ថាការអនុវត្តគម្រោង ជាការរំលោភសិទ្ធិមនុស្ស និងការប្រព្រឹត្តិអំពើពុករលួយយ៉ាងធ្ងន់ធ្ងរ។ ការដាក់ទណ្ឌកម្ម រួមមានការបិទប្រតិបត្តិការហិរញ្ញវត្ថុ ការបិទមិនឱ្យផ្តល់ទំនិញ និងសេវាកម្មរបស់ក្រុមហ៊ុននេះ នៅសហរដ្ឋអាមេរិក។ (អានបន្ថែម)

ជាការពិតគម្រោងនេះ កន្លងមកតែងតែទទួលបានការរិះគន់ជាច្រើនពីអ្នកវិភាគអន្តរជាតិថា សាងសង់ឡើងសម្រាប់បម្រើវិស័យយោធាចិន (អានបន្ថែម)។

ប៉ុន្តែ រដ្ឋាភិបាលកម្ពុជាបានច្រានចោលម្ដងហើយម្ដងទៀតលើការលើកឡើងនេះ ហើយអះអាងថាគម្រោងនេះកសាងឡើងសម្រាប់វិស្សមកាលទេសចរណ៍ប៉ុណ្ណោះ។ (អានបន្ថែម)

• គម្រោងអភិវឌ្ឍន៍
• គម្រោងអភិវឌ្ឍន៍