ផ្សារទំនើបថ្មីរបស់ថៃ Big C ដែលបើកនៅកម្ពុជានឹងផ្តល់ឱកាសការងារដល់ប្រជាជនក្នុងតំបន់

• 10 ខែ​តុលា 2019
• ព័ត៌មានអចលនទ្រព្យ
• 9 មើល

ផ្សារទំនើប Big C ត្រូវបានគេជឿជាក់ថានឹងផ្តល់ឱកាសការងារបន្ថែមទៀតដល់ប្រជាជនក្នុងតំបន់ បន្ទាប់ពីបានបើកដំណើរការជិតមួយសប្តាហ៍នៃការបើកសាខាដំបូងរបស់ខ្លួននៅក្នុងប្រទេសកម្ពុជា។

នៅមុនថ្ងៃបើកសម្ពោធផ្សារទំនើបរបស់ខ្លួន ផ្សារទំនើប Big C បានបញ្ជាក់ថា គម្រោងរបស់ខ្លួននឹងជួយផ្តល់ចំនួនការងាររហូតដល់ ១២០០ កន្លែងនៅក្នុងតំបន់ យោងតាមសំណើដាក់ពាក្យនៃគម្រោងនេះជាមួយក្រុមប្រឹក្សាអភិវឌ្ឍន៍កម្ពុជា។

ផ្សារទំនើបនេះនាពេលបច្ចុប្បន្ន កំពុងតែមានហាងមួយចំនួនដែលប្រកាសរកបុគ្គលិក រួមមានហាងកាហ្វេអាម៉ាហ្សូន ហាង Nobicha រោងភាពយន្ត Major Cineplex និងហាងផ្សេងទៀត។

ផ្សារទំនើប Big C មានទីតាំងស្ថិតនៅក្រុងប៉ោយប៉ែត ខេត្តបន្ទាយមានជ័យ ដែលជាព្រំប្រទល់ជាប់ប្រទេសថៃ និងមានចំនួនប្រជាជន ២០ ម៉ឺននាក់ដែលរស់នៅក្នុងនោះ។ ទីតាំងនេះ ត្រូវបានគេរំពឹងថាជាតំបន់វិនិយោគ ដែលមានប្រទេសផ្សេងដូចជា ប្រទេសថៃ ប្រទេសចិន និងប្រទេសជាច្រើនទៀត។

គម្រោងរបស់ Big C ត្រូវបានគេដឹងថាចំណាយអស់ ៦,៨ លានដុល្លារអាមេរិក (២០៦ លានបាត) សម្រាប់ក្លាយជាផ្សារទំនើបដ៏ធំមួយសម្រាប់ការទិញទំនិញ។

Big C មានផ្ទៃដី ២ ហិកតា ដែលជាតំបន់ទិសដៅនៃការទិញឥវ៉ាន់នេះ បានទាក់ទាញប្រជាជនក្នុងតំបន់រួចទៅហើយ ខណៈដែលទំព័រហ្វ៊េសប៊ុករបស់ខ្លួន បានប្រកាសថាបានជ្រើសរើសយកម៉ោង ១១ និង ១៩ នាទីព្រឹកក្នុងការបើកពិធីសម្ពោធដើម្បីបម្រើអតិថិជន។

• គម្រោងអភិវឌ្ឍន៍
• គម្រោងអភិវឌ្ឍន៍