ផ្សារទំនើបប៊ូទិកថ្មីមួយ នឹងផុសនៅចំកណ្តាលទីក្រុងភ្នំពេញ នៅ២០២២ ខាងមុននេះ

• 30 ខែ​កញ្ញា 2021
• ព័ត៌មានអចលនទ្រព្យ
• 8 មើល

គម្រោងផ្សារទំនើប Lucky Pavilion Mall ដំណាក់កាលទី ២ ដែលមានទីតាំងនៅលើបណ្តោយមហាវិថីព្រះសីហនុ ក្នុងសង្កាត់បឹងកេងកង ១ ដែលជាបេះដូងនៃរាជធានីភ្នំពេញ បានចាប់ផ្ដើមការសាងសង់ហើយ ដោយគ្រោងនឹងបញ្ចប់ ហើយបើកដំណើរការនៅពាក់កណ្តាលឆ្នាំ ២០២២ ខាងមុខ។

ផ្សារមួយនេះអភិវឌ្ឍដោយក្រុមហ៊ុន Lucky Mall Co., Ltd ប្រកាសអនុវត្តដំណាក់កាលទី ២ នេះ បន្ទាប់ពីការសាងសង់ដំណាក់កាលទី ១ បានបញ្ចប់ដោយជោគជ័យ និងត្រៀមបើកឱ្យជួលក្នុងពេលឆាប់ៗនេះ។

ក្នុងឱកាសនេះ ក្រុមហ៊ុន Lucky Mall Co., Ltd ក៏បានតែងតាំងភ្នាក់ងារអចលនទ្រព្យអន្តរជាតិ CBRE Cambodia ជាភ្នាក់ងារលក់ផ្តាច់មុខ និងជាអ្នកគ្រប់គ្រងអចលនទ្រព្យសម្រាប់គម្រោងនេះផងដែរ។

គម្រោងផ្សារទំនើប Lucky Pavilion Mall គឺជាការពង្រីក និងប្ដូរមុខមាត់ផ្សារ Lucky Supermarket ចាស់ ទៅជាស្ថាបត្យកម្មលេចធ្លោមួយនៅកណ្ដាលក្រុងភ្នំពេញ។ ផ្សារនេះនឹងត្រូវសាងសង់ជាអគារ ៤ ជាន់ ជាមួយនឹងផ្ទាំងកញ្ចក់ប្រណីតនៅខាងមុខ និងមានផ្ទៃក្រឡាសម្រាប់ជួលសរុប ៩.៥០០ ម៉ែត្រការ៉េ។

មានទីតាំងស្ថិតនៅត្រង់ផ្សារទំនើបឡាក់គីចាស់នៅចំនុចប្រសព្វនៃខណ្ឌបឹងកេងកង ដូនពេញ ៧ មករា និងចំការមន ផ្សារទំនើបនេះ នឹងក្លាយជាទីតាំងសាកសមជាសមិទ្ធផលថ្មីមួយ បម្រើឱ្យប្រជាពលរដ្ឋនៅខណ្ឌទាំង៤ ដែលជាបេះដូងនៃរាជធានីភ្នំពេញ។

សម្រាប់ព័ត៌មានបន្ថែមទាក់ទិននឹងការជួយ អាចចូលទៅកាន់គេហទំព័ររបស់ CBRE Cambodia ឬទូរស័ព្ទ +855 95 777 988។

• អត្ថបទផ្សព្វផ្សាយ
• ធុរកិច្ច និងទីផ្សារ
• អត្ថបទផ្សព្វផ្សាយ
• ធុរកិច្ច និងទីផ្សារ