ផ្សារទំនើបអន្តរជាតិព្រីនស៍ ម៉ល នៅខេត្តព្រះសីហនុបើកឱ្យដំណើរការសាកល្បង

• 2 ខែ​តុលា 2020
• ព័ត៌មានអចលនទ្រព្យ
• 7 មើល

ផ្សារទំនើបអន្តរជាតិព្រីនស៍ ម៉ល (Prince Mall) ដែលមានទីតាំងសង្កាត់លេខ៣ ក្រុងព្រះសីហនុ ត្រូវបានបើកសម្ពោធដំណើរការសាកល្បងហើយ ក្រោមវត្តមានពីសំណាក់អភិបាលរងខេត្តព្រះសីហនុ លោក គង់ វិតាណ: កាលពីថ្ងៃទី ០១ ខែតុលា ឆ្នាំ ២០២០ នេះ។

គម្រោងផ្សារទំនើបនេះត្រូវបានវិនិយោគដោយក្រុមហ៊ុន Prince Huan You Real Estate Cambodia Group Co. Ltd សាងសង់លើផ្ទៃដី ៥ ម៉ឺនម៉ែត្រក្រឡា។

ផ្សារទំនើបនេះ រួមមានអាជីវកម្មធំៗចំនួន៥ រួមមាន ទំនិញលក់រាយទាន់សម័យលំដាប់អន្តរជាតិ អាហារឆ្ងាញ់លំដាប់ពិភពលោក ការកម្សាន្តលំដាប់ខ្ពស់ កន្លែងកម្សាន្តលក្ខណៈគ្រួសារ និងសម្ភារប្រើប្រាស់ក្នុងផ្ទះប្រចាំថ្ងៃ និងទំនិញម៉ាកល្បីៗជាង ១២០ហាង ក៏ដូចជាចំណតរថយន្តជាង ១.២០០កន្លែង។

លោក គង់ វិតាណ: អភិបាលរងខេត្តព្រះសីហនុ បានសម្ដែងការគាំទ្រចំពោះគម្រោងផ្សារទំនើបនេះ ព្រោះនេះគឺសញ្ញាវិជ្ជមាននៃទំនាក់ទំនងការទូតល្អរវាងកម្ពុជានិងចិន ហើយក៏ជាកម្លាំងចលករជួយជំរុញសេដ្ឋកិច្ចខេត្តព្រះសីហនុផងដែរ។

គួរបញ្ជាក់ផងដែរថា ក្រុមហ៊ុន Prince Huan You Real Estate ជាក្រុមហ៊ុនបុត្រសម្ព័ន្ធរបស់ Prince Real Estate Group ដែលជាក្រុមហ៊ុនអ្នកអភិវឌ្ឍយក្សចិននៅកម្ពុជា។ ក្រុមហ៊ុន Prince Real Estate Groupជាម្ចាស់គម្រោងធំៗជាច្រើនទៀតដូចជា Prince International Plaza គម្រោង Prince Central Plaza គម្រោង Prince Modern Plaza និងគម្រោង Diamond One នៅឯកោះពេជ្រ ជាដើម។

• គម្រោងអភិវឌ្ឍន៍
• គម្រោងអភិវឌ្ឍន៍