ពិព័រណ៍សំណង់គាំទ្រដោយ CCA មានគោលដៅសម្រេចស្តង់ពិព័រណ៍លើសពី ៣០០

Proeksa Meas
31 ខែឧសភា 2017
Uncategorized
113 មើល

បន្ទាប់ពីការរៀបចំពិព័រណ៍ឧស្សាហកម្មសំណង់កម្ពុជាដោយជោគជ័យសម្រាប់រយៈពេលបីឆ្នាំជាប់គ្នាចុងក្រោយនេះ អ្នករៀបចំពិព័រណ៍រំពឹងថានឹងទាក់ទាញស្តង់ពិព័រណ៍ជាង ៣០០ស្តង់នៅក្នុងព្រឹត្តិការណ៍ឆ្នាំ ២០១៧ ដើម្បីបង្ហាញពីផលិតផល និងសេវាកម្មសំណង់ និងអចលនទ្រព្យរាប់រយជុំវិញពិភពលោក។

ពិព័រណ៍ឧស្សាហកម្មសំណង់កម្ពុជា គឺជាពិព័រណ៍អចលនទ្រព្យ និងសំណង់របស់ប្រទេស ដែលត្រូវបានរៀបចំជារៀងរាល់ឆ្នាំចាប់តាំងពីឆ្នាំ ២០១៤ នៅមជ្ឈមណ្ឌលសន្និបាត និងពិព័រណ៍កោះពេជ្រ ដោយសមាគមអ្នកម៉ៅការសាងសង់កម្ពុជា (CCA) ដែលជាក្រុមអ្នកម៉ៅការសាងសង់គ្រប់គ្រងដោយឯកជនតែមួយគត់របស់ប្រទេស។

នៅឆ្នាំ ២០១៤ មានការចុះបញ្ជីស្តង់ពិព័រណ៍ប្រហែល ២២០ ស្តង់របស់ក្រុមហ៊ុនតាំងបង្ហាញជាង ១០០ ក្រុមហ៊ុន នៅឆ្នាំ ២០១៥ មានការទាក់ទាញបានស្តង់ជិត ២៥០ស្តង់ របស់ក្រុមហ៊ុនជាង១០០ ហើយឆ្នាំមុន ពិព័រណ៍ពាណិជ្ជកម្មនេះទទួលបានជោគជ័យដោយមានស្តង់ចំនួន ២៩០ ទទួលស្វាគមន៍អ្នកចូលរួមទស្សនាចំនួន ៧.១៦៩ ដែលសុទ្ធសឹងជាអ្នកជំនាញមកពីឧស្សាហកម្មសំណង់និងអចលនទ្រព្យ។

ការតាំងពិព័រណ៍នេះត្រូវបានបែងចែកជាបីផ្នែកគឺ ផ្នែកក្រុមហ៊ុនអចលនទ្រព្យ ធនាគារ និងក្រុមហ៊ុនធានារ៉ាប់រង ផ្នែកសម្ភារសំណង់ និងការតុបតែង និងផ្នែកអគ្គិសនី បំពង់ទឹក និងការផ្គត់ផ្គង់ទឹក គ្រឿងម៉ាស៊ីនមេកានិច និងស៊ុមដែក។ មានផលិតផល និងសេវាកម្មជាច្រើនប្រភេទមកពីឧស្សាហកម្មសំណង់ និងអចលនទ្រព្យត្រូវបានដាក់តាំងបង្ហាញ។។

នៅពេលព្រឹកថ្ងៃទីមួយនៃការតាំងពិព័រណ៍ គឺមានការជួបជុំគ្នានូវអ្នកជំនាញជាន់ខ្ពស់នៅក្នុងឧស្សាហកម្មសំណង់ និងអចលនទ្រព្យ ចំនួន ៥០០នាក់ សម្រាប់មហាសន្និបាតប្រចាំឆ្នាំរបស់សមាគមអ្នកម៉ៅការសាងសង់កម្ពុជា ហើយថ្ងៃដែលនៅសល់គឺបើកចំហឲ្យសាធារណជនចូលរួម។

- Video Advertisement -