English 
ខ្មែរ 
ពិព័រណ៍សំណង់ និង បច្ចេកវិទ្យាហេដ្ឋារចនាសម្ព័ន្ធនៅម៉ាឡេស៊ីដែលមិនគួរមើលរំលង
MBAM OneBuild គឺជាពិព័រណ៍តែមួយគត់ នៅក្នុងប្រទេសម៉ាឡេស៊ីដែលផ្ដោតទៅលើតែឧស្សាហកម្មសំណង់ និង ហេដ្ឋារចនាសម្ព័ន្ធបច្ចេកវិទ្យា។
ពិព័រណ៍សំណង់ និង ហេដ្ឋារចនាសម្ព័ន្ធបច្ចេកវិទ្យាអន្តរជាតិម៉ាឡេស៊ី ហៅកាត់ថា (MBAM OneBuild) របស់គមនាគមអ្នកសាងសង់ម៉ាឡេស៊ី ដែលបានធ្វើឡើងនៅទីក្រុងកូឡាឡាំពួរ កាលពីថ្ងៃទី ២៩ ដល់ ៣១ ខែតុលា គឺជាព្រឹត្តិការណ៍ប្រចាំឆ្នាំលើកទី៨ហើយ។
MBAM OneBuild បានទាក់ទាញអ្នកចូលរួមអន្តរជាតិពីបណ្ដាប្រទេសជាច្រើនរួមមាន៖ សិង្ហបុរី ចិន កម្ពុជា អាល្លឺម៉ង់ បារាំង និង ជប៉ុន។ ចិនមានក្រុមហ៊ុនចូលរួមជាង ៤០ គឺជាចំនួនច្រើនជាងគេ ដើម្បីដាក់បង្ហាញផលិតផល និង សេវាកម្មរបស់ពួកគេនៅ MBAM OneBuild ឆ្នាំនេះ។
កម្មវិធីតាំងពិព័រណ៍នេះក៏មានវគ្គចែករំលែកដោយឥតគិតថ្លៃ ស្ដីពី ការកសាងគំរូព័ត៌មាន (BIM) និង ប្រព័ន្ធអាគារឧស្សាហកម្ម (IBS) ដែលសម្របសម្រួលដោយក្រុមហ៊ុនសំណង់ CIDB E-Construct Services Sdn Bhd និង MIDA។
ក្រៅពីនេះកម្មវិធី “គ្លីនិកបេតុង” ក៏ត្រូវបានរៀបចំឡើងអំឡុងពេល ៣ ថ្ងៃដើម្បីផ្តល់ការពិគ្រោះយោបល់ដោយឥតគិតថ្លៃ ផ្តល់ដោយក្រុមអ្នកជំនាញមកពីវិទ្យាស្ថានបេតុងអាមេរិកម៉ាឡេស៊ី (ACI-Malaysia) និង មានកម្មវិធីជាច្រើនទៀតដែលទាក់ទងនឹងសំណង់ និង បច្ចេកវិទ្យាហេដ្ឋារចនាសម្ព័ន្ធ។
MBAM OneBuild គឺជាព្រឹត្តិការណ៍ដែល មានការគាំទ្រពីស្ថាប័នរដ្ឋាភិបាលម៉ាឡេស៊ី សមាគមក្នុងស្រុក និង អន្តរជាតិ បានទាក់ទាញស្ថាប័ននៅក្នុងឧស្សាហកម្មសំណង់ទាំងរដ្ឋនិងឯកជនប្រមាណ ៣៨១២ ស្ថាប័ន។
MBAM OneBuild ឆ្នាំ ២០២០ គឺជាព្រឹត្តិការណ៍ប្រចាំឆ្នាំលើកទី៩ ចាប់ពីថ្ងៃទី ២១ ដល់ថ្ងៃទី ២៣ ខែតុលាឆ្នាំ ២០២០ នៅមជ្ឈមណ្ឌលសន្និបាតកូឡាឡាំពួរប្រទេសម៉ាឡេស៊ី។
សម្រាប់ព័ត៌មានបន្ថែមសូមចូលទៅកាន់គេហទំព័រ www.mbamonebuild.com ឬ តាម www.facebook.com/MBAMOneBuild/ សម្រាប់ព័ត៌មានថ្មីៗ។
