ពិព័រណ៍ LED Expo ប្រទេសថៃឆ្នាំ ២០២០ នឹងធ្វើលើអនឡាញពីថ្ងៃទី ១៨-២០ ខែវិច្ឆិកា

• Sommana Yan
• 11 ខែ​កញ្ញា 2020
• ព័ត៌មានអន្តរជាតិ
• 84 មើល

ដោយសារការរាតត្បាតនៃវីរ៉ុសកូវីដ ១៩ ក្រុមហ៊ុនដែលជាម្ចាស់កម្មវិធី បានសម្រេចចិត្តរៀបចំពិព័រណ៍ LED Expo Thailand + Light ASEAN ឆ្នាំ ២០២០ តាមប្រព័ន្ធអនឡាញ ដែលនឹងប្រព្រឹត្តទៅចាប់ពីថ្ងៃទី ១៨ ដល់ ២០ ខែវិច្ឆិកា ខាងមុនឆ្នាំនេះ។

ដោយឡែក កម្មវិធីពិព័រណ៍ពិតប្រាកដ គ្រោងនឹងត្រូវធ្វើឡើងនៅខែកញ្ញាឆ្នាំ ២០២១ ខាងមុខនេះ នៅឯមជ្ឈមណ្ឌលពិព័រណ៍ IMPACT ដូចសព្វផង ក្នុងទីក្រុងបាងកក ប្រទេសថៃ។

អ្នករៀបចំកម្មវិធី បានមើលឃើញថាការរឹតបន្តឹងការធ្វើដំណើរ ច​ត្តា​ឡី​ស័ក និងគោលនយោបាយគំលាតសង្គម ជាឧបសគ្គ ៣ សំខាន់ៗ ដែលមិនអាចរៀបចំពិពណ៌ខ្នាតធំអន្តរជាតិនេះបាន។

លោក Loy Joon How អ្នកគ្រប់គ្រងទូទៅរបស់ក្រុមហ៊ុន IMPACT Exhibition Management បានឱ្យដឹងថា៖  «អ្នកចូលរួមកម្មវិធីអនឡាញនេះ នឹងទទួលបានអត្ថប្រយោជន៍ដូចជា ការ Live បង្លាញផលិតផល ការពិភាក្សាគ្នា ការចាប់គូអាជីវកម្ម និងការផ្លាស់ប្ដូរយោបលគ្នាតាម Video Call ដោយឥតគិតថ្លៃ»។

«ដោយសារតែវីរ៉ុសកូវីដ អ្នកលក់ និងអ្នកទិញ កន្លងមកគឺមិនសូវបានជួបគ្នាទេ ដូច្នេះ កម្មវិធីអនឡាញនេះ នឹងជួយឱ្យពួកគាត់រក្សាទំនាក់ទំនងពាណិជ្ជកម្ម តាមរយៈប្រព័ន្ធអនឡាញពីផ្ទះរៀងៗខ្លួន» លោកបានបន្ត។

នេះគឺមធ្យោបាយដ៏មានប្រសិទ្ធិភាពខ្ពស់សម្រាប់អ្នកទិញ អ្នកលក់ និងអ្នកពាក់ព័ន្ធសំខាន់ៗដទៃទៀតក្នុងឧស្សាហកម្មអេឡិចត្រូនិក និងអំពូលភ្លើង ដើម្បីរក្សាទំនាក់ទំនង ក្នុងគ្រាលំបាកដែលអាជីវកម្មកំពុងធ្លាក់ចុះដូច្នេះ។

លើសពីនេះ អ្នករៀបចំកម្មវិធីក៏នឹងបើកឱ្យអ្នកចូលរួមចាប់គូអាជីវកម្មអនឡាញរហូតដល់ទៅ ៣ ខែ ដើម្បីជាជំនួយបន្ថែមក្នុងកាលៈទេសៈបែបនេះ។

ព័ត៌មានបន្ថែមសូចចុចទីនេះ

www.ledexpothailand.com

• អត្ថបទផ្សព្វផ្សាយ
• Advertorial
• អត្ថបទផ្សព្វផ្សាយ