ភ្ញៀវ ៦ម៉ឺននាក់ចូលរួមក្នុងពិធីតាំងពិព័រណ៍ក្រុងសៀងហៃ

• Me Wathana
• 16 ខែ​កក្កដា 2016
• ព័ត៌មានសំណង់
• 186 មើល

ពិធីតាំងពិព័រណ៍សំណង់អន្តរជាតិ និងពាណិជ្ជកម្មសំណង់ ២០១៦ បានស្វាគមន៍ភ្ញៀវ ៦ម៉ឺននាក់ក្នុង រយៈពេល ៤ថ្ងៃពេញ ពីថ្ងៃទី ២៣ ដល់ ២៦ មីនា នៅឯមជ្ឈមណ្ឌលសន្និបាត និងពិព័រណ៍ជាតិក្នុងទីក្រុងសៀងហៃ។

ក្រុមហ៊ុនជាង 400 បានដាក់តាំងបង្ហាញនៅក្នុងការតាំងពិព័រណ៍ដ៏ធំបំផុតមួយនៅក្នុងប្រទេសចិនលើផ្ទៃដី ៨ម៉ឺនម៉ែត្រការ៉េ ដោយបង្ហាញគ្រឿងសង្ហារឹម ទ្វារនិងបង្អួច គ្រឿងដែក ផ្ទះគំរូ គ្រឿងម៉ាស៊ីន និងការតុបតែងជញ្ជាំង។

លោក Liu Xiaomin ប្រធាននៃ CBD-IBCTF បានថ្លែងថា “CBD-IBCTF (សៀងហៃ) មិនមែនមានបំណងត្រឹមតែលើកទឹកចិត្តដល់ការធ្វើពាណិជ្ជកម្មនៅក្នុងទីផ្សារសំណង់ និងតុបតែងផ្ទះអន្ដរជាតិប៉ុណ្ណោះទេ ប៉ុន្តែថែមទាំងចង់កសាងវេទិកាមួយ ដែលជាកន្លែងមនុស្សគ្រប់រូបអាចធ្វើការទំនាក់ទំនងជាមួយគ្នា និងរៀនពីអ្វីដែលថ្មីអំពីឧស្សាហកម្មមួយនេះ។”