មកទល់ពេលនេះ ធនាគារអភិវឌ្ឍន៍អាស៊ីជួយកម្ពុជា ៤,៦ពាន់លានដុល្លារ ដើម្បីអភិវឌ្ឍគម្រោងចំនួន៣៣១

• 3 ខែ​ឧសភា 2023
• ព័ត៌មានក្នុងស្រុក
• 9 មើល

គិតមកទល់ពេលនេះ ធនាគារអភិវឌ្ឍន៍អាស៊ី (ADB) បានផ្តល់ថវិកាសម្រាប់អភិវឌ្ឍប្រទេសកម្ពុជាចំនួន ៤,៦ពាន់លានដុល្លារអាមេរិក លើគម្រោងវិស័យសាធារណៈចំនួន ៣៣១ ក្នុងរូបភាពជាកម្ចី ជំនួយ និងជំនួយបច្ចេកទេស។ នេះបើតាម ADB Member Fact Sheet 2022 ដែលចេញផ្សាយអំឡុងខែមេសា ឆ្នាំ២០២៣។

​ដោយឡែកក្នុងឆ្នាំ២០២២ ធនាគារអភិវឌ្ឍន៍អាស៊ី (ADB) បានប្តេជ្ញាផ្តល់កម្ចី ៣៧៣លានដុល្លារអាមេរិកមកកម្ពុជា​ដើម្បី៖

• ជួយពង្រឹងប្រព័ន្ធសុខាភិបាល រួមមានការទទួលបានវ៉ាក់សាំង និងសុខភាពកម្មករចំណាកស្រុក​ (អានបន្ថែម)
• ​សម្រាប់អភិវឌ្ឍវិស័យវិទ្យាសាស្ត្រ បច្ចេកវិទ្យា វិស្វកម្ម និងគណិតសាស្ត្រ ក្នុងវិស័យអប់រំ
• ជំរុញភាពធន់អាកាសធាតុ និងវិស័យជលផលតាមតំបន់ឆ្នេរ និងបសុសត្វនៅកម្ពុជា (អានបន្ថែម)
• ពន្លឿនការផ្ទេរថាមពលប្រកបដោយចីរភាប (អានបន្ថែម)
• ជំរុញការប្រកួតប្រជែងអន្តរជាតិ (អានបន្ថែម)

ក្នុងឆ្នាំ២០២២ដដែល ADB ក៏បានផ្តល់ជំនួយសរុប ៥២,២៥លានដុល្លារអាមេរិក រួមទាំងសហហិរញ្ញប្បទាន ១២,៧លានដុល្លារអាមេរិក ដើម្បីជួយកម្ពុជាសម្រេចនូវគោលនៅអភិវឌ្ឍប្រកបដោយចីរភាព ជួយពន្លឿនការផ្ទេរថាមពលស្អាត និងលើកកម្ពស់យេនឌ័រ។

ក្រៅពីនេះ ADB បានអនុម័តនូវជំនួយបច្ចេកទេសចំនួន ៣​,១លានដុល្លារអាមេរិក ដើម្បីកំណែទម្រង់នយោបាយ ការអភិវឌ្ឍសមត្ថភាព ទីប្រឹក្សា​ ការរៀបចំគម្រោង និងការអនុវត្តគម្រោង ក្នុងឆ្នាំ២០២២ ផងដែរ។

• Investment and Funding