ADB ជួយកម្ពុជា ៧៣លានដុល្លារ ដើម្បិជំរុញវិស័យជលផលតាមតំបន់ឆ្នេរសមុទ្រ

ធនាគារអភិវឌ្ឍន៍អាស៊ី (ADB) បានអនុម័តកញ្ចប់ហិរញ្ញប្បទានចំនួន ៧៣លានដុល្លារអាមេរិក ដើម្បីជំរុញភាពធន់អាកាសធាតុ និងវិស័យជលផលតាមតំបន់ឆ្នេរ និងសមុទ្រនៅកម្ពុជាឱ្យមាននិរន្តរភាព។ នេះបើតាមសេចក្តីប្រកាសព័ត៌មាននៅថ្ងៃទី០៨ ខែធ្នូ ឆ្នាំ២០២២។

កញ្ចប់ហិរញ្ញប្បទាននេះ រួមមាន ៤១លានដុល្លារជាកម្ចីពីADB  ២២ លានដុល្លារជំនួយរបស់មូល​និ​​ធិ ADB  និង ១០ លានដុល្លារ​ជាកម្ចីរបស់មូលនិធិហេដ្ឋារចនាសម្ព័ន្ធអាស៊ាន។

ក្រៅពីនេះ ក៏មានកម្ចីបន្ថែមចំនួន ២០លានដុល្លារ ពី French Development Agency ផងដែរ។

បើតាមអ្នកជំនាញការជាន់ខ្ពស់របស់ធនាគារ ADB ផ្នែកកសិកម្ម និងធនធានធម្មជាតិសម្រាប់តំបន់អាស៊ីអាគ្នេយ៍ Alvin Lopez បានឱ្យដឹងថាគម្រោងនេះ គឺជាការវិនិយោគដំបូង និងដ៏សំខាន់របស់ធនាគារ ADB ក្នុងវិស័យជលផលតំបន់សមុទ្រ និងតំណាងឱ្យព្រឹត្តិការណ៍ដ៏សំខាន់សម្រាប់ផែនការសកម្មភាពចំពោះនិរន្តភាពសេដ្ឋកិច្ចព​​ណ៌​​ខៀវ និងសុខុមាសភាពសមុទ្រ (Action Plan for Healthy Oceans and Sustainable Blue Economies)។

សេចក្តីប្រកាសពត៌មានបានឱ្យដឹងបន្ថែមថា ការនេសាទហួសហេតុ និងការប្រែប្រួលអាកាសធាតុ បានបណ្តាលឱ្យធ្លាក់ចុះនៃការផ្គត់ផ្គង់ជលផល ដែលបង្កផលប៉ះពាល់ដល់សហគមន៍តាមតំបន់ឆ្នេរ និងអាជីវកម្មជលផល និងបង្កការឡើងតម្លៃជលផលកាន់តែខ្ពស់។

គម្រោងនេះ នឹងជួយពង្រឹងវិស័យជលផលតាមតំបន់សមុទ្ររបស់កម្ពុជា ខណៈដែលធនាគារ ADB ក៏បាននឹងកំពុងជួយរួមចំណែការផ្គត់ផ្គង់ជលផល និងប្រព័ន្ធអេកូឡូស៊ីនៅឈូងសមុទ្រថៃផងដែរ។

ជាមួយនឹងគម្រោងនេះ ខេត្តបួនដែលជាប់មាត់សមុទ្ររបស់កម្ពុជា រួមមាន ខេត្តកំពត កែប កោះកុង និងព្រះសីហនុ នឹង​អាចកាត់បន្ថយការធ្លាក់ចុះយ៉ាងកំហុកនៃជលផល និងទទួលបានការលើកកម្ពស់សមុទ្រវប្បកម្ម និងពង្រឹងជម្រក​ត្រី ដើម្បីធ្វើឱ្យសុវត្ថិភាពអាហារសមុទ្រកាន់តែប្រសើរ។

បន្ថែមពីនេះ គម្រោងនេះនឹងជួយឱ្យអាជីវកម្មនេសាទតាមសមុទ្រប្រមាណ ៤០% កាន់តែបង្កបង្កើនផល និងក្លាយជាសហគ្រាសដែលមាននិរន្តរភាពដោយអាចអោយសហគមន៍តំបន់ឆ្នេរ និងអាជីវកម្មតូចៗ អាចរកចំណូលបានច្រើនយ៉ាង ហើយអាចអភិវឌ្ឍន៍ខ្លួនទៅជាសហគ្រាសមួយដែលជោគជ័យ។

គួរបញ្ជាក់ថា អនុវិស័យជលផល គឺជាធាតុផ្សំដ៏សំខាន់នៃសេដ្ឋកិច្ចកម្ពុជា ស្មើនឹង ៨% ទៅ១០% នៃផលិតផលក្នុងស្រុកសរុប (ផសស)។ ជលផលសមុទ្រ ស្មើនឹង ១៣%​ នៃអនុវិស័យជលផលទាំងមូល។

- Video Advertisement -

ព័ត៌មានដែលទាក់ទង

ក្រសួងសាធារណការពិភាក្សាលើវឌ្ឍនភាពគម្រោង «ខេមបូឌា ស៊ូភើផត» ជាមួយក្រុមហ៊ុន YCH Group លើហេដ្ឋារចនាសម្ព័ន្ធតភ្ជាប់

ជំហានយុទ្ធសាស្ត្រក្នុងការតភ្ជាប់ហេដ្ឋារចនាសម្ព័ន្ធផ្លូវ […]

ក្នុងខែតុលា កម្ពុជាចុះបញ្ជីគម្រោងវិនិយោគថ្មីចំនួន៣៧ ក្នុងតម្លៃទុន ២៤៦លានដុល្លារ

ក្រុមប្រឹក្សាអភិវឌ្ឍន៍កម្ពុជាបានរាយការណ៍អំពីកំណើនដ៏ខ្លា […]

រដ្ឋកំពុងស្វែងរកដំណោះស្រាយ ខណៈមានពលរដ្ឋតាំងទីលំនៅមិនរៀបរយនៅខេត្តសៀមរាបជិត២ពាន់ គ្រួសារ

ក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា ក្រស […]

ប្រាសាទមេបុណ្យខាងលិចបើកទ្វារស្វាគមន៍ភ្ញៀវទេសចរឡើងវិញ ក្រោយបញ្ចប់ការជួសជុលទ្រង់ទ្រាយធំរយៈពេល១៤ឆ្នាំ

ក្រោមព្រះរាជាធិបតីភាពដ៏ខ្ពង់ខ្ពស់របស់ព្រះមហាក្សត្រកម្ពុ […]

ក្រសួងរៀបចំដែនដីណែនាំស្ថាបត្យករ និងវិស្វករឱ្យគិតគូរពីបរិយាកាស និងប្រពៃណីតំបន់

មហោស្រពស្ថាបត្យកម្មកម្ពុជាឆ្នាំ២០២៦ លើកកម្ពស់ការច្នៃប្រ […]

គម្រោងប្រព័ន្ធប្រព្រឹត្តកម្មទឹកកខ្វក់សម្រេចវឌ្ឍនភាពការងារបាន ៤០% ត្រឹមខែតុលា ឆ្នាំ២០២៦

កិច្ចខិតខំប្រឹងប្រែងរួមគ្នារវាងរាជរដ្ឋាភិបាល និងដៃគូអភិ […]