មណ្ឌលចត្តាឡីស័កតម្លៃជិត៨០ម៉ឺនដុល្លារ នៅព្រែកព្នៅ បើកឱ្យប្រើប្រាស់ជាផ្លូវការហើយ

• 6 ខែ​មករា 2021
• Uncategorized
• 10 មើល

មណ្ឌលចត្តាឡីស័កតម្លៃជិត៨០ម៉ឺនដុល្លារ នៅព្រែកព្នៅ បានបញ្ចប់ការសាងសង់ជាស្ថាពរហើយ ដោយបានបើកឱ្យប្រើប្រាស់ជាផ្លូវការ កាលពីថ្ងៃទី ៦ មករា ឆ្នាំ ២០២១ នេះក្រោមអធិបតីភាពអភិបាលរាជធានីភ្នំពេញ ឯកឧត្តម ឃួង ស្រេង នឹងមន្រ្តីពាក់ព័ន្ធ។

មណ្ឌលចត្តាឡីស័កថ្មីនេះ មានសរុប ៤ អគារ និង៥០៤បន្ទប់ ដែលសាងសង់លើផ្ទៃដីជិត ១ ហិកតា ស្ថិតក្នុងភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ។ គម្រោងនេះ បានចាប់ផ្តើមសាងសង់នៅខែកញ្ញា ឆ្នាំ ២០២០ កន្លងមកនេះ។

មណ្ឌលចត្តាឡីស័ករាជធានីភ្នំពេញដែលបានសាងសង់រួចនេះ គឺត្រូវបានដាក់ឱ្យប្រើប្រាស់ដើម្បីអនុវត្តវិធានការចត្តាឡីស័កចំពោះអ្នកដំណើរដែលចូលមកព្រះរាជាណាចក្រកម្ពុជាតាមអាកាសយានដ្ឋានអន្តរជាតិភ្នំពេញ។

លោកជំទាវ យក់ សម្បត្ដិ រដ្ឋលេខាធិការក្រសួងសុខាភិបាល ធ្លាប់បានប្រាប់អ្នកសារព័ត៌មានថា គម្រោងនេះបានប្រើប្រាស់ថវិកាប្រមាណ ៧៩០ពាន់ដុល្លារ ដែលជាថវិការបស់រាជរដ្ឋាភិបាលកម្ពុជា។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍