មន្ទីរពិសោធន៍ជាតិរបស់ក្រសួងឧស្សាហកម្មកម្ពស់៧ជាន់ ដំណាក់កាលទី ២ បញ្ចប់ការសាងសង់

• 16 ខែ​សីហា 2021
• Uncategorized
• 8 មើល

ការដ្ឋានអគារមន្ទីរពិសោធន៍ជាតិកម្ពស់ ៧ ជាន់ របស់ក្រសួងឧស្សាហកម្ម ដំណាក់កាលទី ២ (អគារ B) ដែលមានទីតាំងនៅតាមបណ្ដោយផ្លូវជាតិលេខ ២ សង្កាត់ចាក់អង្រែលើ បានបញ្ចប់ការសាងសង់ជាស្ថាពរហើយ ដោយពិធីប្រគល់-ទទួលអគារ ត្រូវបានធ្វើឡើងពីព្រឹកថ្ងៃ ១៦ ខែសីហា នេះ។

ការប្រគល់-ទទួលអគារ នេះ គឺធ្វើឡើងសម្រាប់អគារ B ដែលជាដំណាក់កាលទី ២ ក្រោមអធិបតីភាពឯកឧត្តម ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ក្រោយដំណាក់កាលទី ១ បញ្ចប់ដោយជោគជ័យការពីខែមីនា ដើមឆ្នាំ ២០២១។ (អានបន្ថែម)

អគារមន្ទីរពិសោធន៍B នេះមានទំហំ ២០ ម៉ែត្រ គុណ ៣០ ម៉ែត្រ ដែលមានកម្ពស់៧ ជាន់ ដែលនឹងប្រើប្រាស់ជាលំហពហុបំណង ការិយាល័យ សាលប្រជុំ និងកន្លែងពិសោធន៍។

គួរបញ្ជាក់ថា អគារមន្ទីរពិសោធន៍នេះ នឹងក្លាយជាមជ្ឈមណ្ឌលស្រាវជ្រាវ ពិសោធន៍ និងបញ្ជាក់គុណភាព ផលិតផលចំណីអាហារ សម្ភារៈប្រើប្រាស់ និងវត្ថុធាតុដើមនានាសម្រាប់បម្រើឱ្យកិច្ចការឧស្សាហកម្ម សិប្បកម្ម កសិកម្ម សំណង់។ល។

• គម្រោងអភិវឌ្ឍន៍
• បច្ចេកវិទ្យា និងវិស្វកម្ម
• Projects Development
• គម្រោងអភិវឌ្ឍន៍
• Technology and Engineering