មន្ទីរពេទ្យធំៗ ២ សង់ក្រោមជំនួយចិនជាង ១៣០លានដុល្លារ នឹងសម្ពោធឱ្យប្រើប្រាស់ខែមីនា

• 7 ខែ​កុម្ភៈ 2022
• Uncategorized
• 5 មើល

មន្ទីរពេទ្យធំៗចំនួន ២ រួមមាន មន្ទីរពេទ្យមិត្តភាពកម្ពុជា-ចិន ត្បូងឃ្មុំ និងមន្ទីរពេទ្យមិត្តភាពកម្ពុជា-ចិន ព្រះកុសុមៈ ដែលសាងសង់ឡើងក្រោមជំនួយរបស់ចិនតម្លៃសរុបប្រមាណ ១៣០លានដុល្លារ នឹងសម្ពោធដាក់ឱ្យប្រើប្រាស់ជាផ្លូវការ នៅខែមីនា ខាងមុខនេះ។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឱ្យដឹង កាលពីព្រឹកថ្ងៃចន្ទ នេះថា ៖ «មន្ទីរពេទ្យធំៗចំនួន ២ ទៀត នៅត្រូវសម្ពោធនៅពេលខាងមុខ មន្ទីរពេទ្យមួយនៅត្បូងឃ្មុំ ដែលត្រូវនឹងសម្ពោធនៅថ្ងៃទី៧ ខែមីនា និងមន្ទីរពេទ្យមិត្តភាពកម្ពុជា-ចិន ព្រះកុសុមៈ ដែលនឹងត្រូវសម្ពោធនៅថ្ងៃទី២៨ ខែមីនា»។

អគារមន្ទីរពេទ្យមិត្តភាព កម្ពុជា ចិន ព្រះកុសមៈ បានដំណើរការសាងសង់កាលពីខែតុលា ឆ្នាំ ២០១៨ លើផ្ទៃដីទំហំ១៣ ៧៤០ម៉ែត្រការ៉េ និងចំណាយថវិកាប្រមាណ ៨០លានដុល្លារអាមេរិក។ (អានបន្ថែម)

ដោយឡែក មន្ទីរពេទ្យមិត្តភាពកម្ពុជា-ចិន ត្បូងឃ្មុំ ដែលមានតម្លៃជាង ៥០ លានដុល្លារ បានបើកការដ្ឋានសាងសង់នៅខែ មីនា ឆ្នាំ ២០១៩ និងបញ្ចប់ការសាងសង់នៅខែវិច្ឆិកា ឆ្នាំ ២០២១។ (អានបន្ថែម)

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍