មន្ទីរពេទ្យបង្អែកថ្មីខេត្តសៀមរាបសង់បាន ២៨%ហើយ គ្រោងបញ្ចប់នៅចុងឆ្នាំ២០២៣

29 ខែវិច្ឆិកា 2022
Uncategorized
10 មើល

ការដ្ឋានសាងសង់មន្ទីរពេទ្យបង្អែកថ្មីក្នុងខេត្តសៀមរាប ដែលជាជំនួយរបស់ អង្គការ JICA នៃប្រទេសជប៉ុន សម្រេចបាន ២៨%ហើយ និងគ្រោងបញ្ចប់ការសាងសង់នៅខែកញ្ញា ឆ្នាំ២០២៣។ នេះបើយោងតាមការចុះត្រួតពិនិត្យមើលដោយផ្ទាល់របស់ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រី ក្រសួងសុខាភិបាល នៅថ្ងៃទី២៨ ខែវិច្ឆិកា ឆ្នាំ២០២២។

ឯកឧត្តមរដ្ឋមន្រ្តីបានមានប្រសាសន៍ថា ខេត្តសៀមរាបជាខេត្តមួយដែលប្រមូលផ្ដុំប្រជាពលរដ្ឋ និងភ្ញៀវទេសចរបរទេសជាច្រើន។ ដូច្នេះជំនួយឧបត្ថមរបស់ប្រទេសជប៉ុនក្នុងការសាងសង់មន្ទីរពេទ្យ និងការបំពាក់បរិក្ខារពេទ្យទំនើបៗនេះ គឺពិតជាមានសារៈសំខាន់ណាស់ ដើម្បីពង្រីកសេវាសុខភិបាលឱ្យកាន់តែល្អប្រសើរ។

ឯកឧត្តមបន្តថា ការពង្រីកអគារនេះ គឺស្របទៅតាមតម្រូវការរបស់ប្រជាពលរដ្ឋ ក៏ដូចជាគោលដៅរបស់រដ្ឋាភិបាល ធ្វើឱ្យការផ្តល់សេវាសុខាភិបាលនៅក្នុងតំបន់ឱ្យកាន់តែល្អប្រសើរ មានទំនើបកម្មនៃសេវាសុខាភិបាល។

គួរបញ្ជាក់ថា គម្រោងសាងសង់មន្ទីរពេទ្យបង្អែកថ្មីខេត្តសៀមរាប មានតម្លៃប្រមាណ ១៩លានដុល្លារអាមេរិក។

នៅពេលអគារនេះសាងសង់រួចរាល់ នឹងបំពាក់បរិក្ខារពេទ្យទំនើបៗរួចរាល់នៅឆ្នាំ២០២៣ មន្ទីរពេទ្យបង្អែកខេត្តសៀមរាបនេះ នឹងក្លាយជាមន្ទីរពេទ្យទំនើបមួយនៅក្នុងតំបន់។ (អានបន្ថែម)

- Video Advertisement -